Кафедра англійскага мовазнаўства філалагічнага факультэта БДУ пачала працаваць з 1 верасня 2002 года ў складзе 23 чалавек: загадчыка кафедрай прафесара Н.Н.Ніжневай.
Кафедра англійскага мовазнаўства склалася на базе кафедры рамана-германскіх моў. Да асноўных дысцыплін, выкладанне якіх замацавана за кафедрай, адносяцца "Англійская мова", "Лексікалогія", "Гісторыя замежнай мовы", "Тэарэтычная граматыка", "Стылістыка", "Методыка выкладання замежнай мовы", "Тэорыя і практыка перакладу".
На кафедры вядзецца навуковая праца як выкладчыкаў, так і студэнтаў. Кожны год супрацоўнікі кафедры ўдзельнічаюць у розных міжнародных і рэспубліканскіх навуковых канферэнцыях, друкуюць артыкулы. З 2006 года кафедра выпускае міжуніверсітэцкі зборнік навуковых артыкулаў "Мовы свету - у свет моу". Пад кіраўніцтвам выкладчыкаў кафедры кожны год праводзяцца студэнцкія канферэнцыі "Мовы камунікацыі - камунікацыя на мовах", "Мовы свету - свет моў". Асаблівую цікавасць уяўляе Рэспубліканская навукова-практычная канферэнцыя “Ідэі. Пошукі. Рашэнні”, колькасць удзельнікаў і іх геаграфія павялічваецца з кожным годам, і ў выніку гэтага статус канферэнцыі зменены на міжнародны.
Штогод кафедрай праводзіцца “Англійская вечарына”, удзел у якой прымаюць студэнты ўсяго факультэта.
На кафедры была створана "Школа педагагічнага майстэрства", рэгулярна праводзяцца пасяджэнні "Метадычнага стала", "Творчай лабараторыі выкладчыкаў".
Падрыхтоўка студэнтаў вядзецца па 2 спецыяльнасцям: "Мовазнаўства" і "Пераклад мастацкай і навукова-тэхнічнай літаратуры".
Кафера распрацавала рабочыя і тыпавыя праграмы па асобных курсах. Акрамя базавых курсаў на кафедры чытаюцца 5 аўтарскіх спецкурсаў.
"Слоўнікі і спосабы лексіграфічнага апісання", Рэалізацыя лексічнай сістэмы ў тэксце","Асаблівасці мастацкага перакладу", "Асаблівасці перакладу сучаснай англійскай і амерыканскай драматургіі", "Дзелавое маўленне: асаблівасці перакладу"; курс па выбару "Пераклад як сродак міжкультурнай дзелавой камунікацыі".Пры кафедры працуюць 3 спецсемінары: "Лінгвістыка тэксту: аспект перакладу", "Актуальныя праблемы тэорыі навучання перакладу мастацкай і навукова-тэхнічнай літаратуры", "Інавацыйныя метады навучання замежным мовам, рэалізуецца падрыхтоўка курсавых, дыпломных і магістэрскіх даследаванняў. Калектывам кафедры ажыццяўляецца агульнае і групавое кіраўніцтва педагагічнай і перакладчыцкай практыкамі студэнтаў-філолагаў, якія выконваюць прафесійна-адаптацыйныя, дыягнастычныя, карэкцыйна-адукацыйныя, індывідуальна-развіваючыя, выхаваўчыя, даследчыя і іншыя функцыі.
Кафера арганізуе метадычнае і матэрыяльнае забеспячэнне вучэбнага працэсу, падрыхтоўку падручнікаў, пасобій, распрацоўку вучэбна-метадычных матэрыялаў па правядзенню ўсіх відаў вучэбных заняткаў.
У працы Цэнтра філалагічных паслуг, які забяспечвае падрыхтоўку абітурыентаў да ўступных іспытаў і спрыяе палучэнню студэнтамі-філолагамі другой і трэцяй спецыяльнасці, актыўны ўдзел прымаюць супрацоўнікі кафедры. Выкладчыкі кафедры таксама садзейнічаюць падрыхтоўцы і правядзенню прадметных алімпіяд па англійскай і іспанскай мовах, а тым самым - развіццю пазнавальных інтарэсау і філалагічнай эрудыцыі паспяховых вучняў.
За перыяд існавання кафедры англійскага мовазнаўства супрацоўнікі кафедры распрацавалі некалькі калектыўных навукова-даследчых тэм : "Фарміраванне прафесійнай кампетэнтнасці сучаснага выкладчыка замежнай мовы". "Змест і спецыфіка іншамоўнай адукацыі", "Змест і спецыфіка іншамоўнай адукацыі у БДУ як кампанента сістэмы непрырыўнай адукацыі", "Сучасныя тэхналогіі навучання студэнтаў іншамоўнай кампетэнцыі: тэарэтычыя асновы і практыка выкарыстоўвання".
Супрацоўнікі кафедры значна працуюць у сферы навучна-метадычнай і арганізацыйнай дзейнасці. Яны з'яуляюцца членамі розных навуковых і навукова-метадычных камісій, навуковых саветау, саветау па абароне дысертацый, членамі рэдкалегій навуковых і навукова-метадычных выданняў.
Дзейнасць супрацоўнікау кафедры англійскага мовазнаўства падпарадкоўваецца адзінай задачы - фарміраванню камунікатыўна развітай і адказнай, інтэлектуальна духоўна багатай, творча актыўнай асобы студэнта 20-га стагоддзя, чалавека высокай культуры, падрыхтоўцы прафесіянала ў сферы выкладання замежнай мовы.