Сустрэча з дэканам

У мінулую суботу, 11 лютага 2017 года, дэкан філалагічнага факультэта прафесар І.С. Роўда запрасіў у госці на чай пераможцаў Лінгвістычнага конкурсу «Гульня слоў», які адбыўся тыдзень таму. Нагадаем, што ў конкурсе перамаглі 10 навучэнцаў устаноў агульнай сярэдняй адукацыі г. Мінска:

1. Лізавета Кірыновіч (1 месца ў 9 класе, гімназія № 24).

2. Дар’я Рудзь (1 месца ў 9 класе, гімназія № 38).

3. Таццяна Кудравец (2 месца ў 9 класе, гімназія № 24).

4. Аляксандра Шумская (3 месца ў 9 класе, гімназія № 8).

5. Маргарыта Кабановіч (1 месца ў 10 класе, гімназія № 1).

6. Вікторыя Піліпенка (2 месца ў 10 класе, гімназія № 22).

7. Ганна Штанюк (3 месца ў 10 класе, гімназія № 27).

8. Анастасія Капцюг (1 месца ў 11 класе, гімназія № 1).

9. Дыяна Касцюкевіч (2 месца ў 11 класе, гімназія № 39).

10. Анастасія Бяроза (3 месца ў 11 класе, гімназія № 1).

Пераможцы пагутарылі з дэканам, пазнаёміліся з будынкам філалагічнага факультэта і некаторымі выкладчыкамі. Спадзяемся ў будучыні ўбачыць іх сярод нашых студэнтаў.

View the embedded image gallery online at:
http://philology.bsu.by/by/news/applicants-news#sigProId1c4d1844e1
 

 

Сустрэча старшакласнікаў з выкладчыкам філалагічнага факультэта БДУ

У гімназіі № 1 імя Францыска Скарыны г. Мінска (http://gymn1.minsk.edu.by) 4 лютага адбыліся сустрэчы вучняў, настаўнікаў і адміністрацыі з дацэнтам філалагічнага факультэта БДУ М. В. Супрунчуком. Школьнікі і выкладчыкі дэтальна пазнаёміліся са спецыяльнасцямі і студэнцкім жыццём філалагічнага факультэта, з магчымасцямі для літаратурнай, навуковай і мастацкай творчасці. Былі вызначаны асобныя шляхі для развіцця супрацоўніцтва БДУ  і гімназіі. Гімназія № 1 з'яўляецца адным з вядучых адукацыйных устаноў рэспублікі, чые вучні вывучаюць прадметы на павышаным узроўні, удзельнічаюць у алімпіядах і конкурсах.

Cемінар для аўтараў-пачаткоўцаў “Тэрыторыя літаратуры”

21 лютага 2017 года на філфаку БДУ прайшоў семінар для аўтараў-пачаткоўцаў “Тэрыторыя літаратуры”. На Карла Маркса, 31 завіталі школьнікі самых розных узростаў – прадстаўнікі Мінскага дзяржаўнага абласнога ліцэя і гімназіі №35.

Сваім яркім і змястоўным выступленнем адкрыў семінар д.ф.н., прафесар А.М. Андрэеў, які задаў аўдыторыі досыць правакацыйнае пытанне: – Вы ўсё яшчэ хочаце быць пісьменнікамі?

Надалей прадуктыўны дыялог працягваўся з удзелам прадстаўнікоў рэдакцый рэспубліканскіх перыядычных выданняў. Распавялі пра свой рэдактарскі вопыт Святлана Воцінава (“Маладосць”), Наталля Казапалянская (“Нёман”), Юлія Алейчанка (“Полымя”). З вострым надзённым паведамленнем звярнуўся да ўдзельнікаў семінара Дзмітрый Шулюк (“Маладосць”). А Наста Грышчук (“Літаратура і мастацтва”) прыўзняла завесу таямніцы над няпростай прафесіяй літаратурнага крытыка.

Да работы семінара падключыліся і бібліятэкары. Ад А.І. Мацвеевай (нам.дырэктара Мінскай сеці публічных бібліятэк) госці семінара даведаліся пра самыя цікавыя мерапрыемствы, якія ладзіліся апошнім часам маладымі і для маладых.

Практычная частка семінара праходзіла ў медыятэцы філфака, дзе Ж.С. Карповіч (загадчыца ААФіЭФ Фундаментальнай бібліятэкі БДУ) пазнаёміла ўсіх са змястоўнай выставай «Філалагічны факультэт на старонках перыёдыкі». Спецыяльныя эксперты семінара – Алеся Лапіцкая (“Літаратура і мастацтва”) і М.П. Кенька (к.ф.н., дацэнт) – расказалі пра свае ўражанні ад твораў аўтараў-пачаткоўцаў і далі парады, а з мадэратарам семінара Маргарытай Латышкевіч (“Маладосць”) удзельнікі папрактыкаваліся ў чытанні вершаў на публіку.

Маладыя аўтары атрымалі памятныя дыпломы ад РВУ “Звязда” і часопіса “Маладосць”. А дадатковыя нюансы да атмасферы семінара дадалі музычныя выступленні яшчэ адной юнай госці філфака – вучаніцы СШ №77 скрыпачкі Кацярыны Палтаевай.

Лінгвістычны конкурс “Гульня слоў” - ВЫНІКІ

30 студзеня 2016 года на філалагічным факультэце БДУ адбыўся лінгвістычны конкурс для вучняў старшых класаў “Гульня слоў”. У конкурсе ўзялі ўдзел 244 мінскія школьнікі. Лепшымі сталі наступныя навучэнцы:
Вераніка Шышпар (9 клас, гімназія №6),
Карына Лянькова (9 клас, гімназія №146),
Маргарыта Байчорава (9 клас, гімназія №13),
Вольга Клімко (10 клас, гімназія №39),  
Маргарыта Пятрухіна (10 клас, гімназія №31),
Дыяна Касцюкевіч (10 клас, гімназія №39),  
Ксенія Парфянюк (11 клас, гімназія №24),
Мікіта Пятроўскі (11 клас, гімназія №36),
Яна Чугай (11 клас, гімназія №8).
 
Віншуем пераможцаў і запрашаем іх у суботу 6 лютага на сустрэчу з дэканам факультэта прафесарам Іванам Сямёнавічам Роўдам (падрабязную інфармацыю яны атрымаюць у электронных лістах).
 
Вынікі іншых удзельнікаў можна паглядзець тут, а заданні з адказамі – тут

Змены ў правілах прыёму на спецыяльнасці «Беларуская філалогія" і "Руская філалогія"

Упершыню ў БДУ без уступных выпрабаванняў будуць залічаць на спецыяльнасці "Беларуская філалогія" і "Руская філалогія" "медалістаў" і пераможцаў трэцяга этапа Рэспубліканскай алімпіяды па вучэбных прадметах. Гаворка ідзе пра выпускнікоў, якія скончылі ўстановы сярэдняй адукацыі з залатым, сярэбраным медалём або ўстановы сярэдняй спецыяльнай адукацыі з дыпломам з адзнакай. У гэты спіс уключаны таксама ўладальнікі дыпломаў I, II, III ступені трэцяга (абласнога, Мінскага гарадскога) этапа Рэспубліканскай алімпіяды па вучэбных прадметах, праведзенай Міністэрствам адукацыі ў навучальным годзе.

Падрыхтоўка па ўказаных спецыяльнасцях вядзецца на філалагічным факультэце БДУ. Выпускнікам названых спецыяльнасцей прысвойваецца кваліфікацыя "Выкладчык беларускай (рускай) мовы і літаратуры" у залежнасці ад абранай спецыяльнасці. Акрамя асноўнай кваліфікацыі, выпускнік атрымлівае і дадатковую: "Літаратурна-рэдакцыйны супрацоўнік", "Спецыяліст па камп'ютарнай філалогіі", "Спецыяліст па дзелавой камунікацыі", або ў рамках спецыяльнасці "Руская філалогія" - "Выкладчык рускай мовы як замежнай".

Залічэнне ў БДУ без уступных выпрабаванняў "медалістаў" і пераможцаў трэцяга этапа Рэспубліканскай алімпіяды на спецыяльнасці "Беларуская філалогія" і "Руская філалогія" прынята ў адпаведнасці з Пастановай Міністэрства адукацыі ад 29 лютага 2016 г. № 10 аб унясенні дапаўнення ў Пералiк педагагічных спецыяльнасцей, пры паступленні на якія ва ўстановы вышэйшай адукацыі залічваюцца без уступных выпрабаванняў.

III Мінская алімпіяда па лінгвістыцы

У студзені–сакавіку 2016 года на філалагічным факультэце БДУ пройдзе III Мінская алімпіяда па лінгвістыцы. Алімпіяда ладзіцца сінхронна з Маскоўскай традыцыйнай алімпіядай па лінгвістыцы і пры падтрымцы яе аргкамітэта (Аддзяленне тэарэтычнай і прыкладной лінгвістыкі МДУ, Інстытут лінгвістыкі РДГУ, факультэт гуманітарных навук НДУ ВШЭ, Масква).
Мэта Алімпіяды – зацікавіць вучняў лінгвістыкай і стварыць умовы для развіцця іх інтэлектуальных здольнасцей. Да ўдзелу ў Алімпіядзе запрашаюцца вучні 8–11 классаў. Своеасаблівасць Алімпіяды па лінгвістыцы ў тым, што, каб рашаць лінгвістычныя задачы, не трэба ніякіх спецыяльных ведаў (у тым ліку не патрабуецца веданне замежных моў), – дастаткова мець лагічнае мысленне. Удзел у Алімпіядзе бясплатны.
Алімпіяда пройдзе ў тры этапы:
    23–24 студзеня 2016 года – дыстанцыйны адборачны тур, для ўдзелу ў якім патрабуецца папярэдняя рэгістрацыя на сайце http://minsklingolymp.by;
    14 лютага – I вочны тур (па выніках дыстанцыйнага адборачнага тура);
    6 сакавіка – II вочны тур.
Асноўнае месца правядзення вочных тураў – філалагічны факультэт БДУ (вул. К. Маркса, 31).
Падрабязную інфармацыю пра Алімпіяду можна знайсці на сайце (http://minsklingolymp.by), а таксама ў суполцы Алімпіяды (https://vk.com/minsklingolymp).
Па ўсіх пытаннях наконт удзелу ў Алімпіядзе можна звяртацца па тэлефонах:
    (+37529) 706-18-66 Уладзіслаў Валер'евіч Парыцкі
    (+37529) 852-63-89 Аксана Анатольеўна Ваўчок
 

Пра выбар прафесіі і пра паэзію

У рамках прафарыентацыйнай працы кафедры гісторыі беларускай літаратуры 2 сакавіка адбылася сустрэча прафесара Алеся Іванавіча Бельскага са старшакласнікамі сярэдняй школы № 148 г. Мінска, падчас якой ён распавёў пра гісторыю факультэта і азнаёміў навучэнцаў са спецыяльнасцямі, на якія можна паступаць у новым навучальным годзе. Аўдыторыяй з цікавасцю была ўспрынята лекцыя вучонага і педагога па сучаснай беларускай паэзіі. І гэта далёка не першае мерапрыемства, праведзенае кафедрай.

Трэба адзначыць, што адным з важных прыярытэтаў дзейнасці філалагічнага факультэта з’яўляецца прафарыентацыйная праца. Кафедра гісторыі беларускай літаратуры надае гэтаму кірунку належную і неаслабную ўвагу. На кафедры вядзецца планамерная работа з настаўнікамі і школьнікамі. У канцы мінулага года былі арганізаваны два выступленні ў Мінскім гарадскім інстытуце развіцця адукацыі (МГІРА), да таго ж прафесар А. І. Бельскі прачытаў настаўнікам лекцыі па сучаснай беларускай літаратуры. Выпускнікам шэрагу школ прапаноўваўся прагляд прэзентацый, раздаваліся рэкламныя буклеты аб факультэце, былі дадзены кансультацыі па напісанні навукова-даследчых работ і інш. Дзейсную дапамогу кафедры ў правядзенні прафарыентацыі аказалі метадыст МГІРА В. Л. Душэўская, настаўнік-метадыст М. І. Навумчык, настаўнікі вышэйшай катэгорыі І. В. Мелюх, Н. Ф. Рыкун, А. Г. Грыгаровіч і інш. Сярод іх — былыя выпускнікі нашага факультэта.

View the embedded image gallery online at:
http://philology.bsu.by/by/news/applicants-news#sigProId76bc79c28f

Сустрэча старшакласнікаў з выкладчыкамі філалагічнага факультэта БДУ

17 лістапада адбылася сустрэча старшакласнікаў сярэдняй школы №148 г. Мінска з выкладчыкамі філалагічнага факультэта БДУ. Перад будучымі абітурыентамі з прэзентацыяй і падрабязным аповядам пра асаблівасці паступлення на філалагічны факультэт БДУ і пра перспектывы далейшага навучання і працаўладкавання выступілі намеснікі дэкана дацэнты М. М. Хмяльніцкі і П. І. Навойчык. Яны адзначылі, якія магчымасці выбару спецыяльнасці пры паступленні дае агульны конкурс, а таксама расказалі пра шырокія магчымасці студэнтаў павышаць свой прафесійны узровень не толькі на лекцыях і семінарах вядучых вучоных-філолагаў факультэта, але і ў замежных універсітэтах – партнёрах БДУ, а таксама па разнастайных міжнародных праграмах. З цікавасцю слухалі школьнікі аповяд і пра падзеі культурнага жыцця факультэта, пра магчымасці развіваць свае таленты, займацца творчай дзейнасцю ў вольны ад вучобы час.

Сустрэча дэкана з пераможцамі конкурсу “Гульня слоў”

6 лютага 2016 года дэкан філалагічнага факультэта прафесар І. С. Роўда запрасіў да сябе пераможцаў лінгвістычнага конкурсу “Гульня слоў”. За кубкам чаю мінскія гімназісткі задалі Івану Сямёнавічу пытанні пра факультэт і працэс навучання ў БДУ, а таксама пазнаёміліся і паразмаўлялі адна з адной.  На прыканцы сустрэчы пераможцы атрымалі падарункі, прайшлі па факультэце і сфатаграфаваліся з дэканам.

Cустрэча з вучнямі і адміністрацыяй гімназіі №22 г. Мінска

24 кастрычніка дэкан факультэта Роўда І. С. і яго намеснікі Навойчык П. І., Важнік С. А. правялі сустрэчу з вучнямі старшых класаў і адміністрацыяй гімназіі №22 г. Мінска.

Падрабязней...