III Мінская алімпіяда па лінгвістыцы

У студзені–сакавіку 2016 года на філалагічным факультэце БДУ пройдзе III Мінская алімпіяда па лінгвістыцы. Алімпіяда ладзіцца сінхронна з Маскоўскай традыцыйнай алімпіядай па лінгвістыцы і пры падтрымцы яе аргкамітэта (Аддзяленне тэарэтычнай і прыкладной лінгвістыкі МДУ, Інстытут лінгвістыкі РДГУ, факультэт гуманітарных навук НДУ ВШЭ, Масква).
Мэта Алімпіяды – зацікавіць вучняў лінгвістыкай і стварыць умовы для развіцця іх інтэлектуальных здольнасцей. Да ўдзелу ў Алімпіядзе запрашаюцца вучні 8–11 классаў. Своеасаблівасць Алімпіяды па лінгвістыцы ў тым, што, каб рашаць лінгвістычныя задачы, не трэба ніякіх спецыяльных ведаў (у тым ліку не патрабуецца веданне замежных моў), – дастаткова мець лагічнае мысленне. Удзел у Алімпіядзе бясплатны.
Алімпіяда пройдзе ў тры этапы:
    23–24 студзеня 2016 года – дыстанцыйны адборачны тур, для ўдзелу ў якім патрабуецца папярэдняя рэгістрацыя на сайце http://minsklingolymp.by;
    14 лютага – I вочны тур (па выніках дыстанцыйнага адборачнага тура);
    6 сакавіка – II вочны тур.
Асноўнае месца правядзення вочных тураў – філалагічны факультэт БДУ (вул. К. Маркса, 31).
Падрабязную інфармацыю пра Алімпіяду можна знайсці на сайце (http://minsklingolymp.by), а таксама ў суполцы Алімпіяды (https://vk.com/minsklingolymp).
Па ўсіх пытаннях наконт удзелу ў Алімпіядзе можна звяртацца па тэлефонах:
    (+37529) 706-18-66 Уладзіслаў Валер'евіч Парыцкі
    (+37529) 852-63-89 Аксана Анатольеўна Ваўчок
 

Сустрэча старшакласнікаў з выкладчыкамі філалагічнага факультэта БДУ

17 лістапада адбылася сустрэча старшакласнікаў сярэдняй школы №148 г. Мінска з выкладчыкамі філалагічнага факультэта БДУ. Перад будучымі абітурыентамі з прэзентацыяй і падрабязным аповядам пра асаблівасці паступлення на філалагічны факультэт БДУ і пра перспектывы далейшага навучання і працаўладкавання выступілі намеснікі дэкана дацэнты М. М. Хмяльніцкі і П. І. Навойчык. Яны адзначылі, якія магчымасці выбару спецыяльнасці пры паступленні дае агульны конкурс, а таксама расказалі пра шырокія магчымасці студэнтаў павышаць свой прафесійны узровень не толькі на лекцыях і семінарах вядучых вучоных-філолагаў факультэта, але і ў замежных універсітэтах – партнёрах БДУ, а таксама па разнастайных міжнародных праграмах. З цікавасцю слухалі школьнікі аповяд і пра падзеі культурнага жыцця факультэта, пра магчымасці развіваць свае таленты, займацца творчай дзейнасцю ў вольны ад вучобы час.

Завочныя курсы па падрыхтоўцы да цэнтралізаванага тэсціравання

Паважаны абітурыент!

 

На філалагічным факультэце Беларускага дзяржаўнага ўніверсітэта адкрыліся завочныя курсы па падрыхтоўцы да цэнтралізаванага тэсціравання па мовах (беларускай, рускай, англійскай, нямецкай, французскай) і да ўступных экзаменаў у навучальныя ўстановы па беларускай і рускай літаратурах. Вучэбныя матэрыялы распрацаваны прафесарамі і дацэнтамі нашага факультэта ў адпаведнасці з праграмай уступных выпрабаванняў па пэўным вучэбным прадмеце.

Навучанне ажыццяўляецца праз інтэрнэт на базе адукацыйнага анлайн-рэсурсу БДУ (dl.bsu.by). Вучэбны курс складаецца з 32 тэм, працягласць навучання – 2 семестры (15 кастрычніка - 27 мая). Заданні па курсе Вы будзеце атрымоўваць 1 раз на тыдзень.  Задаць пытанні, якія ўзніклі пад час выканання работы, можна на форуме сваёй групы або непасрэдна куратару Вашай групы. Нашы спецыялісты адкажуць Вам у 3‑дзённы тэрмін. Мы ўпэўнены, што атрыманыя веды будуць для Вас карыснымі і дапамогуць здзейсніць Вашу мару: паступіць у тую вышэйшую навучальную ўстанову, якую Вы выбралі.

Кошт навучання па кожным прадмеце – 81 BYN (за семестр). Аплаціць навучанне можа ў любым аддзяленні Белінвестбанка або праз сістэму АРІП (касы, банкаматы, інфа-кіёскі, інтэрнэт-банкінг, WebMoneyEasyPayiPay).

Умовы прыёму слухачоў:

1) зарэгістравацца на сайце dl.bsu.by (па ўсіх пытаннях звяртацца на электронную пошту Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. або па тэлефоне 8-017-3273818);
2) у раздзеле «Дыстанцыйныя школы БДУ» выбраць «Дыстанцыйныя курсы падрыхтоўкі да ЦТ філфак» і заключыць дамову па адпаведным прадмеце;
3) аплаціць курсы ў любым аддзяленні Белінвестбанка па рэквізітах: BY16BLBB30150100336910001001 ў Дырэкцыі ААТ «Белінвестбанка» па г. Мінску і Мінскай вобл.

Дадатковую інфармацыю можна атрымаць па працоўных днях з 10 да 17 па тэлефоне, 8-017-3273818 (Інэса Леанідаўна), а таксама па электроннай пошце Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..

Cустрэча з вучнямі і адміністрацыяй гімназіі №22 г. Мінска

24 кастрычніка дэкан факультэта Роўда І. С. і яго намеснікі Навойчык П. І., Важнік С. А. правялі сустрэчу з вучнямі старшых класаў і адміністрацыяй гімназіі №22 г. Мінска.

Дзень Адчыненых дзвярэй

Дзень Адчыненых дзвярэй адбудзецца на філалагічным факультэце 3 студзеня 2019 г. у 12.00 (г. Мінск, вул. К. Маркса, 31, 304 аўд.).

 

 

(спецвыпуск для абітурыентаў)