3-я Караткевічскія паэтычныя чытанні

Распачаты прыём заявак на 3-я Караткевічскія паэтычныя чытанні. Студэнты і школьнікі, якія захапляюцца творчасцю класіка, змогуць выступіць з любімым вершам пісьменніка на ўрачыстым мерапрыемстве 23 лістапада. У гэтым годзе канкурсанты будуць спрачацца ў наступных намінацыях:

  • Лепшае чытанне твора Ул. Караткевіча.
  • Лепшае выступленне з аўтарскім творам, прысвечаным Ул. Караткевічу.
  • Лепшы пераклад твора Ул. Караткевіча (на любую мову).
  • Лепшая ілюстрацыя да твораў Ул. Караткевіча або лепшы крафт па матывах творчасці Ул. Караткевіча.

Да ўдзелу ў конкурсе неабходна прадставіць заяўку (Прозвішча, Імя, месца навучання, узрост, назва твора; увага: удзельнікам 2, 3 і 4 намінацый неабходна прадставіць у аргкамітэт сам конкурсны твор). Таксама з гэтага года магчымы дыстанцыйны ўдзел: дашліце нам відэа са сваім выступленнем!

Заяўкі разам з конкурснымі творамі прымаюцца да 13 лістапада 2017 г. на e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.