IХ Міжнародная навуковая канферэнцыя «Мова – літаратура – культура»

15–16 кастрычніка 2020 г. на філалагічным факультэце Беларускага дзяржаўнага ўніверсітэта адбылася ІХ Міжнародная навуковая канферэнцыя «Мова – Літаратура – Культура», арганізаваная кафедрай беларускага мовазнаўства. Канферэнцыя была прысвечана памяці доктара філалагічных навук, прафесара, акадэміка Міжнароднай акадэміі навук Еўразіі, выдатніка народнай асветы, лаўрэата Дзяржаўнай прэміі Рэспублікі Беларусь у галіне навукі і тэхнікі Арнольда Яфімавіча Міхневіча.

Падчас канферэнцыі працавала 6 секцый:

• аспекты моўных даследаванняў;
• беларуская тэрміналогія і тэрмінаграфія: гісторыя і сучаснасць;
• гісторыя беларускай мовы; дыялекталогія;
• беларуская літаратура: гісторыя і сучаснасць;
• нацыянальныя літаратуры ў сусветным кантэксце;
• методыка выкладання філалагічных дысцыплін.

У канферэнцыі прынялі ўдзел 75 чалавек з Беларусі і замежных краін (Расія, КНР, Чэхія, Славакія). Поруч з вопытнымі даследчыкамі ў навуковых дыскусіях выступілі і маладыя навукоўцы: аспіранты, саіскальнікі, магістранты, студэнты.

Па выніках працы канферэнцыі будзе апублікаваны зборнік матэрыялаў.