Анлайн-семінар «Ladidattica a distanzaintegrale» прайшоў на філалагічным факультэце

17 сакавіка на філалагічным факультэце ў анлайн-фармаце адбыўся семінар «Ladidattica a distanzaintegrale», прысвечаны праблемам выкладання італьянскай мовы ў эпоху цыфравізацыі адукацыі. Семінар быў арганізаваны кафедрай раманскага мовазнаўства і італьянскай асацыяцыяй выкладчыкаў замежных моў ва Усходняй Еўропе (ANILSEST) для студэнтаў-iтальянiстаў старэйшых курсаў і праводзіўся на італьянскай мове.

З прывітальным словам да ўдзельнікаў звярнулася Алеся Аляксандраўна Панцялеенка, загадчыца кафедры раманскага мовазнаўства. Яна падкрэсліла важнасць захавання і развіцця традыцый супрацоўніцтва з міжнароднымі арганізацыямі, пажадала ўдзельнікам плённай працы.

Аўтар і вядучы семінара П’ер Паола Беттонi, старшыня ANILSEST, падзякаваў удзельнікам за выяўленую цікавасць да семінара і прыступіў да разгляду найбольш вострых праблем, звязаных з выкладаннем італьянскай мовы ў цяперашні час. Ён падзяліўся вопытам італьянскіх педагогаў ў развіцці дыстанцыйнага фармату навучання, абазначыў цяжкасці і перспектывы гэтага кірунку ў адукацыі. У прыватнасці, распавёў пра спосабы прадстаўлення відэаматэрыялу, адзначыў магчымасці выкарыстання чата на занятках па замежнай мове, у дыскусійнай форме раскрыў пытанне выкарыстання інтэрактыўных практыкаванняў на прыкладзе выдавецтва «Loescher».

У фінале арганізатары семінара анансавалі новы сумесны праект, які прадугледжвае бясплатнае двухмесячнае навучанне па сучасных тэхналогіях выкладання італьянскай мовы на базе філалагічнага факультэта. Экспертамі гэтага курса выступяць Алеся Аляксандраўна Панцялеенка, П’ер Паола Беттонi і Крысціна Ск’явон, міністэрскі лектар, загадчыца аддзела Культуры і Друку Пасольства Італіі ў Мінску. Запісацца на трэнінг можна тут (да 25.03.2021). Больш інфармацыі вы можаце знайсці тут.

Foto webinar

Бясплатныя курсы грэчаскай мовы для студэнтаў БДУ

Ганаровае консульства Грэцыі ў Мінску запрашае жадаючых вывучаць грэчаскую мову. Набор праводзіцца на конкурснай аснове. Заяўкі з указаннем прозвішча, імя, імя па бацьку, узросту, сферы дзейнасці, кантактных дадзеных і кароткія эсэ з апісаннем мэты вывучэння грэчаскай мовы неабходна даслаць на электронны адрас Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. да 30 верасня 2020 г.

Греция курсы (1)

СЕМІНАР “L’ITALIANO CON LA DIDATTICA DIGITALE INTEGRATA”

Дарагія студэнты, якія вывучаюць італьянскую мову, кафедра раманскага мовазнаўства запрашае вас на семінар “L’ITALIANO CON LA DIDATTICA DIGITALE INTEGRATA”, арганізаваны ў межах супрацоўніцтва з ANILS (асацыяцыяй выкладчыкаў замежных моў, г. Турын, Італія). Аўтар і вядучы семінара – П’ер Паола Беттоні, кіраўнік філіяла ANILS ва Усходняй Еўропе.

Падчас сустрэчы вы даведаецеся, як стаць паспяховым рэпетытарам, якія стратэгіі выкарыстоўваць пры працы з дзецьмі школьнага ўзросту, якія тэхналогіі дапамагаюць развіццю ўласных лічбавых кампетэнцый. Працягласць семінара – 30–40 хвілін.

Сустрэча адбудзецца 17 сакавіка ў 10.30 у дыстанцыйным фармаце. Для атрымання доступу да семінара неабходна зарэгістравацца па спасылцы http://surl.li/neqy.

Усе студэнты атрымаюць сертыфікат ANILS аб удзеле ў семінары.

Падведзены вынікі II этапу конкурсу «Залатое пяро-2020»

У Мінскай гарадской арганізацыі «Белай Русі» падведзены вынікі II этапу конкурсу «Залатое пяро-2020». У катэгорыі «Студэнт» першае месца заняла студэнтка філалагічнага факультэта БДУ Бірукова Анастасія (2 курс, спецыяльнасць «Беларуская філалогія»). Цікавасць да гісторыі роднага Бабруйска, шанаванне народнай спадчыны дазволілі ёй стварыць арыгінальнае, захапляльнае эсэ «Міфы і легенды Беларусі».

«Гэта не легенд і паданняў мала існуе, гэта мы іх мала ведаем», – сцвярджае студэнтка і знаёміць нас з легендамі пра родныя і мілыя яе сэрцу мясціны. Згадваючы паходжанне назвы горада Бабруск, Анастасія адсылае чытача да відэароліка «Бабруйскія легенды», створанага пры яе непасрэдным удзеле; захапляльна апавядае пра багатую пані Брэзіну і заснавальніка горада Бабра. З народных легенд і паданняў перад намі паўстае загадкавы Порт-Артур, які нагадвае Сцяну Роспачы ў Іерусаліме і мае падземны ход аж да самага Мірскага замка. З асаблівым жалем студэнтка згадвае жудаснае паданне пра мемарыяльны комплекс, створаны на месцы забойства нацыстамі вязняў Бабруйскага гета.

Кажуць, што радзіма не бывае малой. Яна заўсёды толькі вялікая. Якраз гэту думку і прыводзіць Анастасія ў сваім эсэ, яшчэ раз даказваючы, што Беларусь – край легенд і паданняў, у якіх адлюстраваліся гісторыя, побыт, светаразуменне і светаўспрыманне народа.

Апошні, рэспубліканскі этап конкурсу, яшчэ наперадзе. Давайце пажадаем Анастасіі новых перамог і новых творчых задумак!

Zolotoe pero

Філасофска-паэтычны батл да юбілею Данііла Хармса

15 снежня кафедра рускай літаратуры і студэнты 1 курса рускага аддзялення філалагічнага факультэта арганізавалі літаратурнае свята – юбілей Данііла Хармса.

Творчасць Данііла Хармса – антыкласіка, якая стала класікай. Наследаваць яму немагчыма, але без яго не было б многіх дасягненняў літаратуры другой паловы ХХ ст.

Філасофска-паэтычны батл быў прысвечаны 115-годдзю гэтага ўнікальнага пісьменніка. На працягу трох гадзін удзельнікі паглыбляліся ў вар’яцка-мудрагелісты, абсурдна-сюррэалістычны, іранічна-смешны, аголена-балючы і празрыста-сумленны свет Данііла Хармса.

Падчас літаратурнага свята гучала шмат розных, часам супярэчлівых і неадназначных вершаў аўтара. Чытанне вершаў Данііла Хармса часта станавілася монаспектаклем і патрабавала ад студэнтаў яркага пражывання і паглыблення, бо Хармс – геній абсурду і майстар эпатажу, аўтар мудрагелістага вар’яцтва і ірацыянальнай творчасці... Абсурд стаў спосабам спасціжэння вар’яцкага свету – свету, які немагчыма спасцігнуць рацыянальным спосабам.

У жыцці і творчасці Данііла Хамса ўсё супярэчліва, ірацыянальна і рэвалюцыйна: і нестандартныя літаратурныя формы, і шматлікія псеўданімы, і неверагодныя камплекты адзення. Таму спасціжэнне творчасці Хармса было немагчыма без вывучэння лістоў і дзённікаў аўтара, якія дапамаглі адчуць у творчасці аўтара і боль свету, і радасць творчасці.

Складны і шматзначны свет Данііла Хармса натхніў студэнтаў на разнастайныя формы творчага прадстаўлення твораў аўтара: ролік, постэр, прэзентацыя, відэамантаж. Былі прадстаўлены і вынікі самастойных навуковых даследаванняў праблем творчасці Хармса.

Анлайн-юбілей Хармса прыцягнуў шмат гасцей кафедры: аспірантаў, настаўнікаў школ, слухачоў школы юнага блогера, калег з Гродзенскага ўніверсітэта.

З водгукаў гасцей і ўдзельнікаў:

«Дзякуй арганізатарам за насычанае інфармацыяй, крэатыўнае па падачы мерапрыемства (калі так суха-афіцыйна можна выказацца пра Хармса)! Асабліва крута зроблены выхад на асаблівасці светапогляду Хармса, а таксама на яго рэцэптыўную стратэгію» (Алена Іванаўна, Салігорск).

«Дзякую за інфарматыўнасць, неверагодна цікава! Дзякуй! » (Таццяна, Мiнск).

«Дзякую за канцэптуальна выбудаваны літаратурны вечар Д. Хармса. Літаратура як тварэнне свету! Аўтар як творца! Атрымалася яркае, годнае вялікага юродзівага і мысліцеля свята! Іншым кампанентам мастацкага метаду Хармса было “рэчатворчасць духа”: антрапалагічны эксперымент замены чалавека рэччу, дэталлю, жывёлай. І тут настаўнікам Хармса з’яўляецца Гогаль з яго “кубістычным раздзяленнем жывога быцця” (М. Бярдзяеў). Гогаль і Хармс... Гэта можа быць патэнцыяльная тэма для будучых сустрэч. Яшчэ раз дзякую за эмоцыі, за абуджэнне думкі і душэўнай хвалявання, якія выклікалі ўдзельнікі! Такія мерапрыемствы патрэбныя нам усім, дзякуй!» (Таццяна, Гомель)

изображение viber 2020 12 15 21 07 35

Сустрэча з прадстаўнікамі кампаніі Vizor Games на філфаку

10 сакавіка 2020 года ў 15.55 у аўдыторыі 304 на філалагічным факультэце БДУ адбудзецца сустрэча з прадстаўнікамі кампаніі Vizor Games (Вайзар Геймз, www.vizor-games.com), аднаго з вядучых міжнародных распрацоўшчыкаў шматкарыстальніцкіх гульняў для браўзара, сацыяльных сетак і мабільных платформаў.

На сустрэчы прадстаўнікі Vizor Games на прыкладзе сваёй кампаніі:

  • раскажуць пра магчымасці працы для студэнтаў і выпускнікоў розных спецыяльнасцей філалагічнага факультэта ў сферы беларускіх распрацовак камп’ютарных гульняў і адкажуць на пытанні выкладчыкаў і студэнтаў;
  • прадставяць апісанні актуальных вакансій у кампаніі Vizor Games;
  • прапануюць некалькі тэставых заданняў, а таксама адрас электроннай пошты для адпраўкі тэставых заданняў.

Сустрэча арыентавана на студэнтаў усіх курсаў: старшакурснікі па выніках выканання тэставых заданняў атрымаюць магчымасць трапіць у спісы патэнцыяльных супрацоўнікаў кампаніі, студэнты малодшых курсаў атрымаюць каштоўны вопыт і арыенціры на будучыню ў сферы беларускіх распрацовак камп’ютарных гульняў.

Чакаем вас 10 сакавіка 2020 года ў 15.55 у аўдыторыі 304 па адрасе вул. Карла Маркса, 31.

Кантакты: ст. выкл. кафедры нямецкага мовазнаўства В. А. Лойка

Тэл.: 327-50-10, электронны адрас: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

Прафарыентацыйная анлайн-сустрэча з кіраўніком ІТ-кампаніі «EPAM Systems»

16 снежня 2020 г. у 11:00 на платформе MicrosoftTeams адбылася прафарыентацыйная анлайн-сустрэча студэнтаў пятага курса спецыяльнасці «Рамана-германская (англійская) філалогія» з прадстаўніком ІТ-кампаніі «EPAM Systems» – найбуйнейшым сусветным вытворцам замаўляльнага праграмнага забеспячэння, рэзідэнтам Беларускага парка высокіх тэхналогій.

З прывітальным словам да ўдзельнікаў сустрэчы звярнулася Марына Сцяпанаўна Гутоўская, загадчыца кафедры англійскага мовазнаўства філалагічнага факультэта БДУ. Марына Мельнік, кіраўнік аддзела кіравання кантэнтам дэпартамента навучання «EPAM Systems», азнаёміла студэнтаў з перспектывамі працаўладкавання ў кампаніі, распавяла пра запатрабаванасць на сучасным рынку працы спецыялістаў па педагагічным дызайне, прадставіла распрацаваную дэпартаментам навучання менторынгавую праграму па педагагічным дызайне і запрасіла студэнтаў прайсці навучанне па ёй у «EPAM Systems».

На сустрэчы абмяркоўваліся пытанні працаўладкавання выпускнікоў спецыяльнасці «Англіская філалогія» і перспектывы магчымага супрацоўніцтва. Старшы выкладчык кафедры англійскага мовазнаўства Юлія Аляксандраўна Жукава ўзняла пытанне пра магчымасць праходжання перакладчыцкай практыкі ў ІТ-кампаніі.

Загадчыца кафедры англійскага мовазнаўства М. С. Гутоўская, старшы выкладчык кафедры Ю. А Жукава і студэнты філалагічнага факультэта выказалі падзяку кіраўніку аддзела кіравання кантэнтам дэпартамента навучання «EPAM Systems» М. Мельнік за прадстаўленую магчымасць даведацца пра перспектыўныя напрамкі на рынку працы.

2020.12 1

2020.12

На філалагічным факультэце адбылося выніковае мерапрыемства «Мой факультэт: Учора. Сёння. Заўтра»

25 лютага адбылося выніковае мерапрыемства «Мой факультэт: Учора. Сёння. Заўтра». Першакурснікі спецыяльнасцей «Руская філалогія» і «Беларуская філалогія» падрыхтавалі справаздачы старшаму выкладчыку кафедры англійскага мовазнаўства Крывогінай Таццяне Валянцінаўне, якая ажыццяўляла кіраўніцтва праектам. Студэнты распавялі аб наведванні родных школ у Мінску і рэгіёнах, правядзенні з вучнямі і педагогамі гутарак пра навучанне ў БДУ, гісторыю і развіццё філалагічнага факультэта. Геаграфія праекта атрымалася даволі шырокай і ахапіла амаль усе рэгіёны Беларусі: студэнты наведалі Наваполацк, Докшыцы, Ліду, Мазыр, Рэчыцу, Пінск, Бабруйск, Барысаў, Вілейку і некаторыя школы сталіцы. Падзяліліся ўражаннямі і звярнулі ўвагу на непадробны інтарэс школьнай аўдыторыі да прадстаўленага матэрыялу і інфармацыі. Пасля падвядзення вынікаў былі вызначаны лепшыя праекты. Іх распрацавалі студэнткі спецыяльнасці «Руская філалогія» Баранава Марыя і Петух Дзіяна, студэнткі спецыяльнасці «Беларуская філалогія» Мурзіч Эльвіра, Шчарбіцкая Валерыя і Субаткевіч Івона. Дзяўчаты праявілі крэатыўнасць, энтузіязм і вялікую зацікаўленасць, што дазволіла ім зрабіць цудоўныя відэа і прэзентацыі і паспяхова прадставіць іх у сваіх школах у межах праекта.

image 26 02 20 05 48

image 26 02 20 05 48 1

image 26 02 20 05 49

image 26 02 20 05 48 2

image 26 02 20 05 48 4

image 26 02 20 05 48 5

image 26 02 20 05 48 6

image 26 02 20 05 49 1

 

Віншуем студэнтаў 4-га курса спецыяльнасці “Класічная філалогія” Валерыю Скарабагатую і Арыну Лаўрыновіч з трэцім месцам у конкурсе “Лепшы маладзёжны праект”!

Адукацыйны праект студэнтаў 4-га курса спецыяльнасці “Класічная філалогія” “Наша Радзіма на картах і гравюрах 16–17 стст.” заняў трэцяе месца ў конкурсе “Лепшы маладзёжны праект 2020”.

Ідэя праекта “Наша Радзіма на картах і гравюрах 16–17 стст.” нарадзілася ў студэнтаў спецыяльнасці “Класічная філалогія” пры праходжанні пад кіраўніцтвам выкладчыкаў кафедры класічнай філалогіі архіўнай практыкі, прысвечанай вывучэнню лацінамоўных легенд на картах і гравюрах розных краін і эпох. Натхнёныя ідэяй, студэнткі тады яшчэ трэцяга курса Валерыя Скарабагатая (кіраўнік праекта), Арына Лаўрыновіч і Кацярына Касцюкова арганізавалі праектную каманду і падалі заяўку на ўдзел у конкурсе “Лепшы маладзёжны праект 2020”. Куратарам праекта выступіў старшы выкладчык кафедры класічнай філалогіі Дз. Г. Мінкевіч.

Для даследвання ў межах праекта былі выбраны чатыры карты і гравюры з калекцыі Нацыянальнага гістарычнага музея Рэспублікі Беларусь, звязаныя з гісторыяй ВКЛ і Рэчы Паспалітай. Студэнткі ўсебакова даследавалі, прааналізавалі і пераклалі на беларускую і рускую мовы лацінамоўныя тэксты на картах і ў дадатках да карт. На выдзеленыя ўніверсітэтам на развіццё праекта сродкі былі раздрукаваныя каляровыя плакаты з рэпрадукцыямі карт і гравюр, лацінскімі тэкстамі і перакладамі і набытыя выставачныя стэнды. Першая выстава праектнай работы праходзіць зараз на філалагічным факультэце. На 2021 год запланаваны таксама выставы і публічныя лекцыі на розных факультэтах БДУ і ў школах г. Мінска.

Праектная каманда дзякуе Нацыянальнаму гістарычнаму музею, факультэту геаграфіі і геаінфарматыкі, студэнтам і супрацоўнікам кафедры класічнай філалогіі і ўсім, хто дапамагаў у падрыхтоўцы і рэалізацыі праекта на розных яго этапах.

129523709 1264307317278512 4434153867909583989 n 

Калядны вечар для замежных студэнтаў 1 курса

26 снежня 2019 г. на кафедры прыкладной лінгвістыкі адбудзецца Калядны вечар для замежныхстудэнтаў 1 курса.

У праграме:

– рэканструкцыя абраду калядавання з удзелам замежных студэнтаў 1 курса (выкананне калядных песень і чытанне вершаў);

– фотасесія ў касцюмах;

– майстар-клас «Выраб елкавых цацак з натуральных матэрыялаў»;

– народныя гаданні.

 

Штогадовы конкурс творчых работ студэнтаў і школьнікаў «Культурная спадчына Антычнасці і сучаснасць»

Кафедра класічнай філалогіі БДУ аб’яўляе штогадовы конкурс творчых работ студэнтаў і школьнікаў «Культурная спадчына Антычнасці і сучаснасць».

Запрашаем усіх зацікаўленых антычнай гісторыяй і культурай прыняць удзел у штогадовым конкурсе творчых работ студэнтаў і школьнікаў «Культурная спадчына Антычнасці і сучаснасць». Канкурсантам прапануюцца наступныя намінацыі: «Паэзія», «Эсэ», «Малюнак», «Графіка», «Плакат», «Прыкладная творчасць». Навучэнцы школ, гімназій і каледжаў могуць прыняць удзел у конкурсе ў намінацыі «Знаёмства з Антычнасцю», падрыхтаваўшы работы на антычную тэматыку ў любым з прапанаваных вышэй жанраў.

Творчыя работы прымаюцца да 15 красавіка на кафедры класічнай філалогіі філалагічнага факультэта БДУ (вул. К. Маркса, 31, каб. 208) або праз электронную пошту Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..

Конкурс накіраваны на папулярызацыю і вывучэнне антычнай спадчыны, а таксама на выяўленне яе ўплыву на еўрапейскую і беларускую культуру і праводзіцца ўжо ў восьмы раз. Арганізатарамі конкурсу з’яўляюцца кафедра класічнай філалогіі БДУ і ГА «Саюз жанчын БДУ». Больш падрабязна з гісторыяй конкурсу і патрабаваннямі да работ можна пазнаёміцца на партале «Метадалогія, змест, практыка крэатыўнай адукацыі»: http://didact.bsu.by/item/classic_phil_contest

объявление античность 2020 ДЛЯ САЙТОВ