Штогадовы конкурс творчых работ студэнтаў “Культурная спадчына Антычнасці і сучаснасць”

Кафедра класічнай філалогіі БДУ правядзе штогадовы конкурс творчых работ студэнтаў “Культурная спадчына Антычнасці і сучаснасць”.

Запрашаем усіх захопленых антычнай культурай прыняць удзел у штогадовым конкурсе творчых работ студэнтаў “Культурная спадчына Антычнасці і сучаснасць”. Канкурсантам прапануюцца наступныя намінацыі: “Паэзія”, “Эсэ”, “Малюнак”, “Графіка”, “Плакат”, “Прыкладная творчасць”.

УВАГА! У гэтым годзе упершыню  аб’яўляецца гасцявая намінацыя для вучняў школ, гімназій і каледжаў “Знаёмства з Антычнасцю”. Мы спадзяемся, што падрыхтоўка работ на антычную тэматыку будзе для навучэнцаў першым крокам у цудоўны свет Старажытнай Грэцыі і Рыма.

Творчыя работы прымаюцца да 1 снежня на кафедры класічнай філалогіі філалагічнага факультэта БДУ (вул. К. Маркса, 31, каб. 208) або праз электронную пошту Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..

Конкурс накіраваны на папулярызацыю і вывучэнне антычнай спадчыны, а таксама на выяўленне яе ўплыву на еўрапейскую і беларускую культуру і праводзіцца ўжо ў сёмы раз. Арганізатарамі конкурсу з’яўляюцца кафедра класічнай філалогіі БДУ і ГА “Саюз жанчын БДУ”. Падрабязна з гісторыяй конкурсу і патрабаваннямі да работ можна пазнаёміцца на партале “Метадалогія, змест, практыка крэатыўнай адукацыі”: http://didact.bsu.by/item/classic_phil_contest