RU 
30.04.2025 старшыя выкладчыкі кафедры германскага мовазнаўства філалагічнага факультэта Ю. А. Жукава і П. В. Бурдыка і студэнты 2 курса рамана-германскай (англійскай) філалогіі правялі круглы стол на тэму “Сусветная і нацыянальная культура. Традыцыі беларускага народа”.
Мэта мерапрыемства – захаванне гістарычнай памяці беларускага народа, яго нацыянальна-культурнай самабытнасці і інтэлектуальнага і творчага патэнцыялу нацыі, паглыбленне ведаў пра беларускія традыцыі і святы, культуру.
Падчас мерапрыемства студэнты мелі магчымасць акунуцца ў атмасферу беларускіх святаў Каляды, Масленіца, Купалле, Дажынкі і інш., якія адзначаюцца багаццем звычаяў і традыцый.
Студэнты адзначылі, што захаванне абрадаў, прытрымліванне народных традыцый, сумесныя святы – важны сродак аб'яднання людзей. Кожная нацыя ганарыцца сваёй духоўнай і культурнай спадчынай, якія выхоўваюць і фарміруюць нацыянальную самабытнасць і нацыянальную самасвядомасць.Традыцыі ўключаюць усё самае каштоўнае і важнае са звычаяў народа, практычнага вопыту продкаў, таго, што трэба перадаць будучым пакаленням.
