Віктарына «Канстытуцыя – гэта…»

На філалагічным факультэце да Дня Канстытуцыі Рэспублікі Беларусь прайшла віктарына «Канстытуцыя – гэта…», арганізаваная кафедрай тэарэтычнага і беларускага літаратуразнаўства. У віктарыне прынялі ўдзел дзве каманды: каманда выкладчыкаў і каманда аспірантаў кафедры. Мэтай правядзення мерапрыемства стала актуалізацыя ведаў па Асноўным Законе нашай краіны.

Удзельнікам трэба было адказаць на пытанні бліц-тэсту, скласці невялікую крыжаванку і працягнуць асацыятыўны рад, які б уключаў асноўныя паняцці Канстытуцыі Рэспублікі Беларусь.

Хто з’яўляецца крыніцай дзяржаўнай улады і носьбітам суверэнітэту ў Рэспубліцы Беларусь?

На колькіх рэспубліканскіх рэферэндумах былі замацаваны змяненні і дапаўненні ў Асноўны Закон Рэспублікі Беларусь?

Колькі раздзелаў у Асноўным Законе?

Хто з’яўляецца гарантам Канстытуцыі Рэспублікі Беларусь, правоў і свабод чалавека і грамадзяніна?

Гэтыя і іншыя пытанні былі агучаны падчас віктарыны.

З лікам 2:1 перамагла каманда аспірантаў!

Падвядзенне вынікаў паказала, што знаёмства з Асноўным Законам нашай краіны можа быць не толькі пазнавальным, але і займальным.