Філолаг: што гэта за прафесія? Дыялог з абітурыентамі

Ужо стала добрай традыцыяй напярэдадні Дня філолага (25 мая) сустракацца з будучымі абітурыентамі.

18 мая 2022 г. філалагічны факультэт Беларускага дзяржаўнага ўніверсітэта наведалі адзінаццацікласнікі сталічнай школы № 47.

Сустрэча была арганізавана прафесарам кафедры рыторыкі і методыкі выкладання мовы і літаратуры Вольгай Уладзіміраўнай Праскаловіч у рамках заключных заняткаў па вучэбнай дысцыпліне “Рыторыка прафесійнага дыялогу”.

Адмысловую ўключанасць, атмасферу цяпла і супрацоўніцтва ствараў той факт, што сваіх вучняў запрасіў настаўнік беларускай мовы і літаратуры СШ № 47 г. Мінска Данііл Сяргеевіч Карабан, сённяшні выпускнік філфака БДУ (ужо працаўладкаваны ў якасці рэдактара галоўнай дырэкцыі падрыхтоўкі тэлепраграм, вядучы праекта “Пін-Код” на тэлеканале Беларусь 2).

Навучэнцы пазнаёміліся са спецыяльнасцямі, якія можна атрымаць на філалагічным факультэце БДУ, пагаварылі з загадчыкам кафедры рыторыкі і методыкі выкладання мовы і літаратуры Андрэем Аляксандравічам Акушэвічам, дацэнтамі Таццянай Уладзіміраўнай Рубанік, Ірынай Мікалаеўнай Саматыяй, Валянцінай Юльянаўнай Дылеўскай.

Прыцягнула ўвагу адзінаццацікласнікаў і ўсіх прысутных выстава вучэбна-метадычнага забеспячэння працэсу навучання філалагічным дысцыплінам ва ўстановах агульнай сярэдняй і вышэйшай адукацыі (аўтарства супрацоўнікаў кафедры рыторыкі і методыкі выкладання мовы і літаратуры). Як аказалася, шматлікія вядомыя па школе падручнікі і дапаможнікі створаны выкладчыкамі, якія на гэтай прафарыентацыйнай сустрэчы падзяляліся сваімі ўражаннямі пра прафесію філолаг з абітурыентамі.

Студэнты 3 курса спецыяльнасці “Руская філалогія” (спецыялізацыя “Дзелавая камунікацыя”) разам з выкладчыкам Вольгай Уладзіміраўнай Праскаловіч пазнаёмілі ўсіх прысутных з відэавізіткай профільнай вучэбнай дысцыпліны “Рыторыка прафесійнага дыялогу”.

Выпускніца філалагічнага факультэта БДУ, спікінг-коўч, арганізатар адукацыйных стартап-мерапрыемстваў, рэдактар інтэрнэт-парталаў, аўтар курсаў аратарскага майстэрства Іна Аляксандраўна Хазеева распавяла пра тое, чым займаецца філолаг, якімі якасцямі павінен валодаць спецыяліст у гэтай галіне і якія перспектывы ў выпускнікоў філфака. 

Абітурыенты атрымалі кампетэнтныя адказы на мноства пытанняў аб паступленні і пра арганізацыю навучання на філалагічным факультэце. Завяршылася сустрэча экскурсіяй па факультэце ў суправаджэнні выкладчыкаў. Госці філфака не спяшаліся разыходзіцца, стараліся даведацца, чым жыве факультэт, і, вядома, не прайшлі міма Францыска Скарыны, не сфатаграфаваўшыся.

IMG 2661

IMG 2687

IMG 2735

IMG 2785

«Дорога в страну языков»

29 красавіка на філалагічным факультэце БДУ адбылося прафарыентацыйнае мерапрыемства «Дорога в страну языков». Удзельнікамі сустрэчы сталі навучэнцы ДУА "Гімназія №20 г. Мінска" і іх педагог Яўгенія Вітальеўна Голубева.

Старшы выкладчык кафедры англійскага мовазнаўства Таццяна Крывогіна пазнаёміла гімназістаў з умовамі і правіламі паступлення на філалагічны факультэт, асаблівасцямі і перавагамі падрыхтоўкі студэнтаў-англістаў. Студэнты расказалі гасцям пра свае будні, вывучэнне розных моў на факультэце, пра ролю філолага ў сучасным свеце і правялі экскурсію па факультэце.

Арганізатарам мерапрыемства выступіла кафедра англійскага мовазнаўства.

2022 Отчет о профориентационном мероприятии (1)

2022 Отчет о профориентационном мероприятии (2)

2022 Отчет о профориентационном мероприятии (3)

Узнагароджанне пераможцаў конкурсу «Гульня слоў»

19 сакавіка 2022 года на філалагічным факультэце адбылося ўзнагароджанне пераможцаў Лінгвістычнага конкурсу для старшакласнікаў "Гульня слоў".
Нагадаем, што конкурс адбыўся 12 лютага ў дыстанцыйным фармаце. Арганізатарам выступіла кафедра рускай мовы.
Конкурсная работа складалася з заданняў па рускай і беларускай мовах.  Кожны ўдзельнік, праявіўшы назіральнасць і кемлівасць, змог годна паказаць сябе.
Пераможцамі "Гульні слоў" сталі дзевяць прадстаўнікоў школ і гімназій горада Мінска і Пінска:

Аўдзеева Аляксандра, ДУА "Гімназія №19 г. Мінска", 9 клас;
Аўдзяевіч Ксенія, ДУА "Гімназія № 24 г. Мінска", 9 клас;
Бандарэнка Ксенія, ДУА «Сярэдняя школа № 51 г. Мінска», 9 клас;
Барташ Ірына, ДУА "Гімназія №19 г. Мінска", 10 клас;
Занкавец Сафія, ДУА "Гімназія № 24 г. Мінска", 10 клас;
Араноўская Елізавета, ДУА "Гімназія № 39 г. Мінска", 10 клас;
Гарашчук Вікторыя, ДУА «Сярэдняя школа № 14 г. Пінска», 11 клас;
Нехайкова Елізавета, ДУА "Сярэдняя школа № 203 г. Мінска", 11 клас;
Андрыеўская Ева, ДУА "Гімназія № 24 г. Мінска", 11 клас.

Навучэнцы ўстаноў адукацыі горада Пінска сёлета ўпершыню далучыліся да конкурсу. У 2021 годзе паміж Беларускім дзяржаўным універсітэтам і Упраўленнем па адукацыі Пінскага гарвыканкама была заключана дамова аб супрацоўніцтве.  Удзел школьнікаў-пінчукоў у «Гульне слоў» стаў адным з этапаў сумеснай працы.
У рамках прафарыентацыйнага мерапрыемства навучэнцы сустрэліся з дэканам факультэта Сяргеем Важнікам, загадчыкам кафедры рускай мовы Іванам Роўда.  Школьнікі і гімназісты змаглі задаць пытанні, якія датычацца паступлення, працэсу навучання, студэнцкага жыцця.
Пераможцам і іх настаўнікам былі ўручаны падзякі дэкана і памятныя сувеніры з лагатыпам універсітэта і факультэта.

фото чаепитие

Кафедра класічнай філалогіі БДУ запрашае студэнтаў і школьнікаў прыняць удзел у дэкламацыях антычнай паэзіі «Ad Melpomenen» («Да Мельпомены»)

Каб паўдзельнічаць у нашым паэтычным мерапрыемстве, абірайце від дэкламацыі, запісвайце відэа і дасылайце нам:

«Арыгінал»: дэкламацыя арыгінальнага антычнага паэтычнага твора на лацінскай або старажытнагрэцкай мове (7–20 радкоў);

«Літаратурны пераклад»: дэкламацыя літаратурнага перакладу антычнага паэтычнага твора на беларускай або рускай мове (7–27 радкоў);

«Уласны пераклад»: дэкламацыя ўласнага перакладу антычнага паэтычнага твора (7–27 радкоў);

«Аўтарскі тэкст»: дэкламацыя ўласнага паэтычнага твора на антычную тэматыку (7–27 радкоў);

«Фрыстайл»: дэкламацыя літаратурнага паэтычнага твора на антычную тэматыку (7–27 радкоў).

Для ўдзелу ў дэкламацыях трэба да 31 мая выкласці на Youtube відэаролік з запісам свайго чытання з хэштэгам #adMelpomenen і запоўніць анкету па спасылцы: https://clck.ru/gicRP

QR Ad Melpomenen

Відэаролікі будуць размешчаны на старонках кафедры класічнай філалогіі ў Facebook (https://www.facebook.com/graecolatini/) і ВКонтакте (https://vk.com/classica_bsu).

Алімпіяда БДУ па англійскай мове ўпершыню пройдзе на філалагічным факультэце БДУ

Кафедра англійскага мовазнаўства філалагічнага факультэта БДУ аб'яўляе аб правядзенні універсітэцкай Алімпіяды па англійскай мове.

Алімпіяда праводзіцца ў мэтах выяўлення і падтрымкі найбольш здольных, адораных навучэнцаў, прыцягнення таленавітай моладзі да навучання ў Беларускім дзяржаўным універсітэце.

Да ўдзелу ў Алімпіядзе запрашаюцца навучэнцы11-ых класаў.

Алімпіяда БДУ па англійскай мове пройдзе ў змешаным (завочна-вочным) фармаце.

Этапы правядзення Алімпіяды:

1. Прыём заявак на ўдзел: 28.03–08.04.2022 г.

Для ўдзелу ў Алімпіядзе неабходна да 8 красавіка 2022 года падаць у Аргкамітэт заяўку на электронны адрас bsu.anglomania@mail.ru.

2. Рэгістрацыя ўдзельнікаў Адборачнага этапа на адукацыйным партале філалагічнага факультэта БДУ https://eduphil.bsu.by/course/view.php?id=2360: 09.04‒14.04.2022 г.

3. Правядзенне Адборачнага этапа (завочная форма, на адукацыйным партале філалагічнага факультэта БДУ https://eduphil.bsu.by/course/view.php?id=2360): 15.04.2022 г. у 16:00 па мінскім часе.

4. Правядзенне Прамежкавага этапа (завочная форма, на адукацыйным партале філалагічнага факультэта БДУ https://eduphil.bsu.by/course/view.php?id=2360): 16.04.2022 г. у 10:00 па мінскім часе.

5. Ацэнка рэзультатаў і падвядзенне вынікаў Прамежкавага этапа: 18.04–22.04.2022 г.

6. Рэгістрацыя ўдзельнікаў Заключнага этапа на кафедры англійскага мовазнаўства філалагічнага факультэта БДУ: 23.04.2022 г. у 10:30, г. Мінск, вул. Карла Маркса, 31, к. 122.

7. Правядзенне Заключнага этапа на філалагічным факультэце БДУ (вочная форма, у аўдыторыях філалагічнага факультэта): 23.04.2022 г. у 11:00 па мінскім часе.

8. Падвядзенне і аб'яўленне вынікаў на сайце Алімпіяды https://sites.google.com/view/bsuolympiad: 25.04.2022 г.

Пераможцамі і прызёрамі Алімпіяды становяцца ўдзельнікі, якія атрымалі найбольшую колькасць балаў. Пераможцы Алімпіяды ўзнагароджваюцца дыпломамі першай ступені. Прызёры Алімпіяды ўзнагароджваюцца дыпломамі другой і трэцяй ступені. Пераможцы і прызёры Алімпіяды атрымліваюць імянныя запрашэнні дэкана філалагічнага факультэта БДУ для навучання на факультэце па спецыяльнасці "Рамана-германская (англійская) філалогія".

Вынікі Алімпіяды размяшчаюцца на афіцыйным сайце Алімпіяды https://sites.google.com/view/bsuolympiad і сайце філалагічнага факультэта БДУ.

Кантакты: адрас электроннай пошты Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.; афіцыйны сайт Алімпіяды https://sites.google.com/view/bsuolympiad.

Алімпіяда Беларускага дзяржаўнага ўніверсітэта па англійскай мове

З 15 па 23 красавіка 2022 года на філалагічным факультэце Беларускага дзяржаўнага ўніверсітэта адбылася Алімпіяда БДУ па англійскай мове. Алімпіяда праводзілася з мэтай выяўлення і падтрымкі найбольш адораных навучэнцаў, прыцягнення таленавітай моладзі да навучання ў БДУ.

У Алімпіядзе БДУ па англійскай мове прынялі ўдзел старшакласнікі з розных рэгіёнаў Рэспублікі Беларусь (г. Мінск, г. Брэст, г. Віцебск, г. Гомель, г. Гродна, г. Бабруйск, г. Новалукомль, г. Вілейка, г. Жодзіна , г. Баранавічы, г. Шчучын, г. Наваполацк, г. Ваўкавыск, г. Клімавічы, г. Полацк, г. Барысаў, г.п. Хоцімск, г. Салігорск, г.п.Бараўляны, г. Докшыцы, аг. Калодзішчы, г. Глыбокае, г. Мазыр, г.п., Карма, г. Быхаў, г. Лельчыцы, г. Дзятлава, г. Іванава, г. Пінск, г. Тышкавічы, г. Калінкавічы, г. Ветка) і з Рэспублікі Туркменістан (г. Ашхабад).

Алімпіяда праходзіла ў тры этапы. Адборачны і прамежкавы этапы праводзіліся ў завочным фармаце на адукацыйным партале філалагічнага факультэта БДУ. Заключны этап Алімпіяды прайшоў у вочным фармаце на філалагічным факультэце БДУ.

У адборачным этапе Алімпіяды ўдзельнічалі 266 старшакласнікаў. У другі этап выйшлі 117 удзельнікаў. Да ўдзелу ў заключным этапе былі запрошаны 15 вучняў:

1. Бальчэўскі Антон Юр'евіч, ДУА «Вілейская гімназія № 1 «Логас»;

2. Вашкевіч Вераніка Вітальеўна, ДУА «Гімназія № 146 г. Мінска»;

3. Давыдоўская Лізавета Аляксееўна, ДУА «Гімназія № 40 г. Мінска»;

4. Дзіўнэль Ганна Іванаўна, ДУА «Ліцэй № 1 г. Гродна»;

5. Дробаў Мікіта Яўгенавіч, «Сярэдняя школа № 23 г. Гродна»;

6. Каламейцаў Данііл Вадзімавіч, ДУА «Гімназія № 22 г. Мінска»;

7. Куліеў Аляксандр Аляксеевіч, ДУА «Гімназія № 32 г. Мінска»;

8. Масюк Арына Аляксандраўна, ДУА «Ліцэй № 1 г. Гродна»;

9. Марозава Паліна Сяргееўна, ДУА «Сярэдняя школа № 22 г. Брэста»;

10. Няўпакоеў Фёдар Эдуардавіч, ДУА «Сярэдняя школа № 2 г. Новалукомля»;

11. Парфёнава Анастасія Вітальеўна, ДУА «Гімназія № 10 г. Гродна»;

12. Русак Дар'я Аляксандраўна, ДУА «Гімназія № 146 г. Мінска»;

13. Трыбунько Надзея Раманаўна, ДУА "Сярэдняя школа № 26 г. Брэста»;

14. Хацкевіч Алена Алегаўна, ДУА «Сярэдняя школа № 12 г. Барысава»;

15. Цепікова Марыя Алегаўна ДУА «Сярэдняя школа ім. Я. Купалы № 19 г. Мінска».

Удзельнікам заключнага этапа было прапанавана вырашыць адну з дзвюх камунікатыўных задач. Ацэньванне маўлення праводзілася па чатырох крытэрыях: рашэнне камунікатыўнай задачы, лексічнае афармленне гаворкі, граматычнае афармленне гаворкі, фанетычнае афармленне гаворкі.

Усе ўдзельнікі заключнага этапа атрымалі сертыфікаты і запрашэнні дэкана для навучання на філалагічным факультэце БДУ.

Пераможцамі Алімпіяды БДУ па англійскай мове сталі сямёра ўдзельнікаў. Пераможцы атрымалі Дыпломы I, II, III ступені.

Дыпломамі I ступені ўзнагароджаны:

  • Бальчэўскі Антон Юр'евіч, ДУА «Вілейская гімназія № 1 «Логас»;
  • Каламейцаў Данііл Вадзімавіч, ДУА "Гімназія № 22 г. Мінска".

Дыпломамі II ступені ўзнагароджаны:

  • Масюк Арына Аляксандраўна, ДУА «Ліцэй № 1 г. Гродна».
  • Русак Дар'я Аляксандраўна, ДУА "Гімназія № 146 г. Мінска";

Дыпломамі III ступені ўзнагароджаны:

  • Давыдоўская Лізавета Аляксееўна, ДУА "Гімназія № 40 г. Мінска";
  • Куліеў Аляксандр Аляксеевіч, ДУА "Гімназія № 32 г. Мінска";
  • Трыбунько Надзея Раманаўна, ДУА «Сярэдняя школа № 26 г. Брэста».

Азнаёміцца з вынікамі Алімпіяды і спісам пераможцаў можна на афіцыйным сайце Алімпіяды  https://sites.google.com/view/bsuolympiad/home?authuser=0.

Арганізатары Алімпіяды віншуюць пераможцаў і дзякуюць усім удзельнікам за зацікаўленасць, творчасць і індывідуальнасць.

2 (7)

3 (4)

4 (1)

Вынікі “Гульні слоў” на філалагічным факультэце

12 лютага 2022 года кафедра рускай мовы правяла традыцыйны – сёмы – лінгвістычны конкурс для старшакласнікаў “Гульня слоў”. Сёлета заяўкі падалі 475 вучняў з г. Мінска, Мінскага раёна Мінскай вобласці і г. Пінска Брэсцкай вобласці (базавых устаноў філалагічнага факультэта).

Конкурс уяўляе сабой комплекс з 15 заданняў аналітычнага характару па рускай і беларускай мовах. Пераможцамі сталі па тры прадстаўнікі кожнай узроставай групы (9, 10 і 11 класы).

Вынікі

Занятак для школьнікаў «Крылатыя словы лацінскага паходжання»

23 красавіка 2022 г. у кабінеце грэчаскай філалогіі ў рамках шостага школьнага дня адбылася лекцыя для навучэнцаў 7—11-х класаў ДУА СШ № 66 г. Мінска, прысвечаная фразеалагізмам рускай мовы антычнага паходжання. У мерапрыемстве таксама прынялі ўдзел слухачы «Школы юнага філолага-лацініста». Занятак правяла старшы выкладчык кафедры Юлія Сядзініна-Баркоўская.

Вобразы антычнай міфалогіі і літаратуры з'яўляюцца неад'емнай часткай еўрапейскай культуры. Выразы, заснаваныя на антычных культурна-гістарычных рэаліях, дагэтуль ужываюцца ў гутарковай і кніжнай мове. Таму веданне фразеалогіі антычнага паходжання з'яўляецца неабходнай умовай паўнавартаснага валодання роднай мовай. Пад кіраўніцтвам дасведчанага выкладчыка школьнікі з захапленнем вызначалі значэнні вобразных выразаў у рускай і  беларускай мовах, успаміналі вядомыя міфы, легенды, гістарычныя факты, якія ляжаць у іх аснове, і даведваліся новыя. Лепшаму разуменню і запамінанню матэрыялу садзейнічала прэзентацыя, у якой выкарыстаны выявы болей за 60 работ антычных мастакоў і скульптараў, а таксама еўрапейскіх майстроў выяўленчага мастацтва.

Падчас захапляльнага пазакласнага мерапрыемства школьнікі паглыбілі атрыманыя ў школе веды па гісторыі Старажытнай Грэцыі і Рыма, антычнай літаратуры, лепш разабраліся ў фразеалогіі беларускай і рускай моў.

Такія заняткі таксама даюць школьнікам магчымасць пазнаёміцца са спецыфікай навучання на філалагічным факультэце, вызначыцца з выбарам будучай прафесіі.

Афоризмы1

Афоризмы2

Афоризмы3

Конкурс мастацкага чытання на кітайскай мове “Ніці слоў” (“语丝”) сярод навучэнцаў устаноў сярэдняй адукацыі

Кафедра кітайскай філалогіі філалагічнага факультэта Беларускага дзяржаўнага ўніверсітэта праводзіць конкурс мастацкага чытання на кітайскай мове “Ніці слоў” (“语丝”) сярод навучэнцаў устаноў сярэдняй адукацыі Рэспублікі Беларусь.

Асноўнымі мэтай і задачамі конкурсу з’яўляюцца:

 - папулярызацыя кітайскай мовы і культуры ў Беларусі;

- удасканаленне навыкаў мастацкага чытання на кітайскай мове вучняў устаноў сярэдняй адукацыі;

- правядзенне прафарыентацыйнай работы сярод навучэнцаў устаноў сярэдняй адукацыі Рэспублікі Беларусь для далейшага паступлення ў Беларусі дзяржаўны ўніверсітэт;

- заахвочванне прафесійных кампетэнцый вучняў, якія вывучаюць кітайскую мову;

- умацаванне і развіццё адукацыйных і культурных сувязей паміж Рэспублікай Беларусь і Кітайскай Народнай Рэспублікай.

Удзельнікам конкурсу мастацкага чытання на кітайскай мове “Ніці слоў” (“语丝”) неабходна ў азначаны тэрмін прадставіць у арганізацыйны камітэт відэаролік працягласцю да 3-х хвілін з мастацкім чытаннем на кітайскай мове твора любога жанру вучнем (вучнямі) ў трох узроставых катэгорыях: пачатковая школа (1-4 класы), сярэдняя школа (5-8 класы), старэйшая школа (9-11 класы).

Колькасць удзельнікаў у відэароліку, а таксама колькасць саміх відэаролікаў ад адной установы адукацыі не абмежавана.

Заяўкі на ўдзел у конкурсе і відэаролік прымаюцца з 07.02.2022 г. па 01.04.2022 г. уключна. Падрыхтаваны матэрыял патрэбна даслаць на электронны адрас аргкамітэта: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..

Заяўка на ўдзел у конкурсе размешчана тут.

Падрабязная інфармацыя і палажэнне аб правядзенні конкурсу мастацкага чытання на кітайскай мове “Ніці слоў” (“语丝”) размешчаны тут.

Кантактная інфармацыя: +375 17 378 – 63 – 78.

ВІНШУЕМ ПЕРАМОЖЦАЎ КОНКУРСУ МАСТАЦКАГА ЧЫТАННЯ НА КІТАЙСКАЙ МОВЕ «НІЦІ СЛОЎ» («语丝») СЯРОД НАВУЧЭНЦАЎ УСТАНОЎ СЯРЭДНЯЙ АДУКАЦЫІ

21 красавіка 2022 г. адбылася цырымонія ўзнагароджвання пераможцаў конкурсу мастацкага чытання на кітайскай мове «Ніці слоў» («语丝») сярод навучэнцаў устаноў сэрэдняй адукацыі Рэспублікі Беларусь, якую арганізавала і правяла кафедра кітайскай філалогіі філалагічнага факультэта БДУ.

Удзельнікі конкурсу даслалі больш за 40 відэаролікаў працягласцю да 3-х хвілін з мастацкім чытаннем твораў розных жанраў у трох узроставых катэгорыях: пачатковая школа (1–4 класы), сярэдняя школа (5–8 класы), старэйшая школа (9–11 класы). Сярод удзельнікаў – навучэнцы школ і гімназій Мінска, Гродна, Гомеля, Магілёва і Брэста.

У выніку абмеркавання і галасавання журы былі вызначаны пераможцы конкурсу (спіс пераможцаў тут).

Дэканат і кафедра кітайскай філалогіі віншуюць пераможцаў і ўдзельнікаў конкурсу «Ніці слоў» і жадаюць поспехаў у далейшым вывучэнні кітайскай мовы і культуры!

IMG 0880

IMG 0879

IMG 0886

IMG 0897

IMG 0898

IMG 0942

IMG 0945

IMG 0957

IMG 0960 (1)