Вынікі Рэспубліканскага конкурсу відэапраектаў «Давайце памятаць пра вайну...»

З 19 красавіка па 7 мая 2021 г. на філалагічным факультэце Беларускага дзяржаўнага ўніверсітэта ўпершыню прайшоў Рэспубліканскі конкурс відэапраектаў «Давайце памятаць пра вайну...», прысвечаны 76-годдзю Вялікай Перамогі. Такія мерапрыемствы фарміруюць у студэнтаў пачуццё датычнасці да падзей Вялікай Айчыннай вайны 1941–1945 гг., выхоўваюць грамадзянскасць, патрыятызм і павагу да подзвігу абаронцаў Айчыны на прыкладзе музычных, паэтычных і празаічных твораў пра вайну, ствараюць умовы для раскрыцця крэатыўных здольнасцяў і самарэалізацыі студэнтаў.

Арганізатарам мерапрыемства выступала кафедра англійскага мовазнаўства. Мэта конкурсу – захаванне памяці пра Вялікую Айчынную вайну, развіццё творчага патэнцыялу студэнцкай моладзі. На конкурс было заяўлена 35 відэапраектаў ад прадстаўнікоў 6 устаноў адукацыі: Беларускага дзяржаўнага ўніверсітэта, Віцебскага дзяржаўнага ўніверсітэта імя П. М. Машэрава, Віцебскага дзяржаўнага тэхналагічнага ўніверсітэта, Гродзенскага дзяржаўнага ўніверсітэта імя Янкі Купалы, Магілёўскага дзяржаўнага ўніверсітэта імя А.А. Куляшова і Столінскай дзяржаўнай гімназіі. 7 мая на адукацыйным партале філалагічнага факультэта БДУ https://eduphil.bsu.by/course/view.php?id=1973 адбылося падвядзенне вынікаў конкурсу і вызначаны пераможцы па наступных намінацыях:

  • «Лепшы паэтычны праект» – Патуціна Анастасія, Саковіч Вольга (БДУ), Фундатар Таццяна Пятроўна, Дудзько Анастасія Дзмітрыеўна, Дашкевіч Святлана Сяргееўна, Будзеніс Вольга Генрыхаўна (выкладчыкі кафедры англійскай філалогіі ГрДУ имяЯнкі Купалы), Дашгынаў Даўлецяр (БДУ);
  • «Лепшы праект у прозе»– Аннамухаммедава Гулкамар (БДУ);
  • «Лепшы музычны праект»– Шохан Кацярына (БДУ);
  • «Самае прафесійнае відэа»– Халько Назар, Шастакевіч Яўген (ГрДУ імя Янкі Купалы);
  • «Самае крэатыўнае відэа»– Кудакцін Ягор, Круковіч Дар’я (БДУ);
  • «Самае інфарматыўнае відэа»– Маргарыта Сінкевіч (ГрДУ імя Янкі Купалы);
  • «Самае эмацыянальнае відэа»– Алмовава Дуньягазель (БДУ), Даніленка Аляксандра (ВДУ імя П.М. Машэрава);
  • «Лепшае візуальнае афармленне відэа»– Гусейнава Азіза (ВДУ імя П.М. Машэрава);
  • «Прыз глядацкіх сімпатый»– Якавенка Кацярына (МДУ імя А.А. Куляшова);
  • «Адкрыццё конкурсу»– Дульская Мілена (Столінская дзяржаўная гімназія).

Відэапраекты фіналістаў конкурсу размешчаны на padlet-дошцы https://ru.padlet.com/victorydaybsu2021/victoryday2021. Арганізатары конкурсу відэапраектаў «Давайце памятаць пра вайну...» спадзяюцца, што конкурс стане добрай традыцыяй.

На філалагічным факультэце праходзіць віртуальная кніжная выстава «Фальклор  Вялікай Айчыннай  вайны»

На філалагічным факультэце прадстаўлена віртуальная кніжная выстава «Фальклор Вялікай Айчыннай вайны», прымеркаваная да Дня Вялікай Перамогі. Кіраўнік праекта – доктар філалагічных навук, прафесар кафедры гісторыі беларускай літаратуры І.В. Казакова. Праект быў ажыццёўлены пры дапамозе Фундаментальнай бібліятэкі БДУ (аддзел абслугоўвання філалагічнага і эканамічнага факультэтаў). На выставе прадстаўлены выданні беларускага і рускага фальклору веннных гадоў, а таксама навуковыя даследаванні, прысвечаныя гэтай тэме. Усяго прадстаўлена звыш 30 выданняў. Выстава прысвечана памяці выбітнага беларускага фалькларыста, доктара філалагічных навук, прафесара, лаўрэата Дзяржаўнай прэміі, заслужанага дзеяча навукі Беларусі, салдата Вялікай Айчыннай вайны, удзельніка партызанскага руху, байца Чырвонай арміі, які мае баявыя ўзнагароды, Анатоля Сямёнавіча Фядосіка. Выстава ўваходзіць у кантэкст выкладання дысцыпліны «Фалькларыстыка» для студэнтаў спецыяльнасці «Беларуская філалогія» на 1-ым курсе навучання як інавацыйная форма віртуальных заняткаў.

Прэзентацыя Выставы «Фальклор  Вялікай Айчыннай  вайны»

Літаратурны квілт “Кветкі Перамогі”

Напярэдадні 76-ай гадавіны Перамогі ў Вялікай Айчыннай вайне кафедра рускай літаратуры прапануе крэатыўны ўдзел у літаратурным квілце “Кветкі Перамогі”.

З 26 красавіка па 9 мая прапануем вам дзяліцца сваім выкананнем вершаў пра Вялікую Айчынную вайну.

Запісвайце відэа свайго прачытання абранага верша і змяшчайце яго на анлайн-дошцы https://padlet.com/deschko7/Bookmarks.

Увага! Запісанае відэа папярэдне павінна быць апублікавана на YouTube ці ў любой сацыяльнай сетцы, а затым у выглядзе спасылкі размешчана на анлайн-дошцы “Кветкі Перамогі”.

Так кожнае відэа нашага паэтычнага марафону стане агульным унёскам у захаванне гістарычнай памяці пра Вялікую Айчынную вайну і пра Перамогу.

З асобных відэа будзе сабраны літаратурны квілт «Кветкі Перамогі».

Тэхналогія ўдзелу ў квілце. Каб пакінуць запіс на віртуальнай дошцы, неабходна перайсці па спасылцы https://padlet.com/deschko7/Bookmarks на padlet-дошку. Затым двойчы клікнуць у любым свабодным полі і ў новым акне аформіць запіс, арыентуючыся на ўзор (назва твора, прозвішча, імя, імя па бацьку ўдзельніка, курс, група; па жаданні можна абазначыць матыў выбару твора, свае асабістыя ўражанні ад яго і інш.). Прымацаваць спасылку на відэазапіс (у акне ёсць указанне «спасылка на сайт»).

Першыя відэа – ад удзельнікаў Студыі юнага блогера, навучэнцаў Мінскага абласнога ліцэя, – ужо на анлайн-дошцы і гатовыя да прагляду!

Мадэратар мерапрыемства – Людміла Віктараўна Камлюк-Ярашэнка, кандыдат філалагічных навук, дацэнт, дацэнт кафедры рускай літаратуры.

Квилт

На філалагічным факультэце БДУ прайшоў творчы вечар сучаснага беларускага паэта Сяргея Гладкова

У пятніцу, 14 лютага, на філалагічным факультэце БДУ прайшоў творчы вечар сучаснага беларускага паэта Сяргея Гладкова. На мерапрыемства прыйшлі студэнты-філолагі 2 і 3 курсаў, выкладчыкі і проста аматары мастацтва слова.

Малады паэт пазнаёміў прысутных са сваёй творчасцю: расказаў крыху пра жыццё, падарожжы, вучобу і крыніцы натхнення; прачытаў шэраг вершаў на рускай мове са свайго паэтычнага зборніка «Радасць колеру вечнай латуні», які нядаўна выйшаў у Парыжы. Прагучалі таксама новыя пераклады з англійскай мовы; выклікаў інтарэс і невялікі празаічны вопыт паэта – аповед філасофскага зместу.

Госці вечара падтрымалі Сяргея Гладкага цёплымі словамі і апладысментамі, задавалі цікавыя пытанні, удзельнічалі ў інтэлектуальных дыспутах аб сучасным мастацтве і яго будучыні, зрабілі фота з паэтам на памяць.

На думку ўдзельнікаў, паэтычны вечар прайшоў у цудоўнай атмасферы гармоніі, радасных сяброўскіх стасункаў і, канешне, натхняльнай творчасці.

Выстава “Насустрач Вялiкадню”

28 красавiка ў 11.15 на фiлалагiчным факультэце БДУ ў кабінеце-музеі беларускай народнай культуры пачала сваю працу выстава “Насустрач Вялiкадню”. Выстава традыцыйна праходзiць у перыяд памiж каталiцкiм i праваслаўным Вялікаднем. У экспазiцыi прадстаўлены велiкодныя яйкi, паштоўкi, велiкодныя свечкi і iншыя экспанаты, прысвечаныя светламу хрысцiянскаму святу.

IMG 2e4ce78869b4e3bd06e466d25970a5a6 V

IMG 9a4f82889d74bccae6892f98bd9b3de0 V

IMG 18d8175bedfc61c87de0ad4444580bc9 V

IMG 50be545323eb7ea2cf6f83752c4dd69d V

Аб’яўлены вынікі літаратурнага конкурсу, прысвечанага 160-годдзю з дня нараджэння А. П. Чэхава

Кафедра рускай літаратуры шчыра дзякуе ўсім, хто даслаў свае працы на конкурс. Мы атрымалі некалькі дзясяткаў цікавых апавяданняў, п’ес, эсэ на тэму «Мой цудоўны сучаснік». Лаўрэатаў вызначала журы ў наступным складзе:

Людміла Аўдзейчык – заг. кафедры рускай літаратуры, кандыдат філалагічных навук;

Ульяна Верына – дацэнт кафедры рускай літаратуры, кандыдат філалагічных навук;

 Марына Хоббель – культуролаг, празаік, крытык, перакладчык, кандыдат філалагічных навук;

Ірына Савелава – педагог, культуролаг, метадыст аддзела методык працы з адоранымі навучэнцамі, ст. выкладчык кафедры педагогікі Мінскага гарадскога інстытута развіцця адукацыі;

Алена Лепішава – член міжнародных навуковых семінараў па вывучэнні сучаснай драматургіі, кандыдат філалагічных навук;

Дар’я Краева – галоўны рэдактар часопіса «Стол», паэт.

Ганна Істоміна – член рэдкалегіі часопіса «Стол», празаік, крытык.

Віншуем пераможцаў і лаўрэатаў:

  • у намінацыі «Апавяданне»

дыплом І ступені прысуджаны Ганне Чарапанавай за апавяданне «Гробовщик»;

дыплом ІІ ступені – Аганесу Марцірасяну за апавяданне «Ницше СССР» і Маргарыце Смародзінскай за апавяданне «Букет преткновения»;

дыплом ІІІ ступені – Аляксею Меланіну за апавяданне «Around the Real» і Уладзіміру Чарняўскаму за апавяданне «Сборка».

Дыпломамі сімпатый журы адзначаны апавяданні Ганны Дубровінай, Анжалікі Ярмантовіч, Іны Сударавай.

  • у намінацыі «Эсе»

дыплом пераможцы прысуджаны Цімуру Вычужаніну за эсэ «Сид Вишес летит с лестницы».

Дыпломам сімпатый журы адзначана эсэ Дар’і Вараб’ёвай.

  • у намінацыі «П’еса»

дыплом І ступені прысуджаны Юрыю Лугіну за п’есу «Жил-был я»;

дыплом ІІ ступені – Уладзіславе Шылер за п’есу «Поколение»;

дыплом ІІІ ступені – Наталлі Шор за п’есу «День рождения мамы».

Дата ўзнагароджання пераможцаў удакладняецца.

Іншагароднім удзельнікам дыпломы будуць высланы па пошце.

Каля Калядаў: серыя майстар-класаў на філалагічным факультэце БДУ

На філалагічным факультэце БДУ штогод, пачынаючы з 2017 года, ладзіцца серыя майстар-класаў “Каля Калядаў”. Свята арганізоўвае вучэбна-навуковая лабараторыя беларускага фальклору пры падтрымцы кафедры тэарэтычнага і славянскага літаратуразнаўства. Мэта мерапрыемстваў – пазнаёміць і далучыць да нацыянальных калядных традыцый беларускіх і замежных студэнтаў.

Майстар-класы звычайна праходзяць на базе вучэбна-навуковай лабараторыі беларускага фальклору, аднак сёлета праз складаную эпідэмічную сітуацыю ў краіне правесці мерапрыемства ў звычайным фармаце не прадстаўляецца магчымым. У сувязі з гэтым супрацоўнікі кафедры тэарэтычнага і славянскага літаратуразнаўства і вучэбна-навуковай лабараторыі беларускага фальклору падрыхтавалі дайджэст гісторыі “Каля Калядаў”, рэцэпты беларускіх калядных страў, а таксама некалькі ідэй для стварэння святочнай атмасферы.

«КаляКалядаў»: серыя майстар-класаў на філалагічным факультэце БДУ

20 снежня 2019 года на філалагічным факультэце БДУ прайшла серыя майстар-класаў «КаляКалядаў». Свята трэці год запар арганізоўвае вучэбна-навуковая лабараторыя беларускага фальклору пры падтрымцы кафедры тэарэтычнага і славянскага літаратуразнаўства БДУ. Мэта мерапрыемстваў – пазнаёміць і далучыць да беларускіх калядных традыцый усіх жадаючых.

Майстар-класы праходзілі на базе вучэбна-навуковай лабараторыі беларускага фальклору. Госці сёлетняга мерапрыемства – навучэнцы 11 класа ліцэя БДУ – пазнаёміліся з асноўнымі каляднымі традыцыямі, даведаліся пра асаблівасці і гісторыю беларускай батлейкі, пра семантыку калядных масак. Пра ўсё гэта ім распавяла супрацоўніца ВНЛБФ Маргарыта Латышкевіч. Акрамя таго, нашы наведвальнікі мелі магчымасць увачавідкі пабачыць самаробную батлейку і паўдзельнічаць у калядным прадстаўленні. І, канешне, як сапраўдныя калядоўшчыкі, – атрымаць пачастункі ад гаспадароў.

Выстава беларускай лялькі

З 2010 года 16 лістапада ў Беларусі адзначаецца Дзень беларускай лялькі. З гэтай нагоды ГА “Саюз жанчын БДУ” ладзіць тэматычную выставу, адкрыццё якой адбылося 13 лістапада ў 14.00 у кабінеце-музеі беларускай народнай культуры філалагічнага факультэта (вул. Карла Маркса, 31, каб. 319). Улічваючы складаную эпідэмічную сітуацыю, выстава будзе прадстаўлена ў віртуальным фармаце на сайце аб’яднання.

IMG 4f23f407d38fa4ddee2151a00895e15c V

IMG 8f28ed745f7866ea2c93dd2d46e0747e V

IMG cae6e4cdb114b8d78aab46bee722783b V

 IMG ee50c73b02830dfb812f860f62f1da70 V

На філалагічным факультэце БДУ адбыўся літаратурна-музычны вечар «Сярэбраныя струны»

26 лістапада ў 18.00 кафедра рускай літаратуры філалагічнага факультэта БДУ правяла літаратурна-музычны вечар «Сярэбраныя струны», прымеркаваны да 80-годдзя роднага факультэта.

У вечары прынялі ўдзел выкладчыкі, студэнты-філолагі розных курсаў і спецыяльнасцей, замежныя навучэнцы, магістранты, а таксама госці з Беларускай дзяржаўнай акадэміі музыкі.

У святочнай і радаснай атмасферы творчых стасункаў прагучалі выдатныя рамансы Рахманінава, Мусаргскага і Чайкоўскага на вершы рускіх паэтаў, вядомыя арыі з опер, класічная музыка Іагана Себасцьяна Баха і Каміля Сен-Санса. Студэнты філалагічнага факультэта са свайго боку падрыхтавалі літаратурна-паэтычную частку канцэрта, у якую ўвайшлі яскравыя і разнастайныя творы вядомых рускіх паэтаў Сярэбранага веку: прагучалі вершы Уладзіміра Салаўёва, Мікалая Гумілёва, Ганны Ахматавай, Марыны Цвятаевай, Зінаіды Гіпіус, Уладзіміра Маякоўскага, былі прачытаны паэмы А. Блока «Дванаццаць» і Сяргея Ясеніна «Чорны чалавек». Студэнты-філолагі не толькі чыталі вершы, але і падрыхтавалі некалькі песень пад гітару: у выкананні Ірыны Звягінцавай і Марыі Страхаль прагучалі рамансы на вершы Марыны Цвятаевай «Мне нравится, что вы больны не мной» і Сяргея Ясеніна «Заметался пожар голубой».

Арганізавалі і правялі вечар загадчык кафедры рускай літаратуры Людміла Леанідаўна Аўдзейчык, выкладчык-канцэртмайстар БДАМ Святлана Сяргееўна Стэфаненка і студэнтка 1-га курса БДУ Аляксандра Бедзіна.

Гэта ўжо другое мерапрыемства, якое прайшло сёлета ў дадзеным фармаце. Усе ўдзельнікі і арганізатары сустрэчы спадзяюцца на тое, што музычна-паэтычныя вечары стануць добрай традыцыяй на філалагічным факультэце, бо што можа быць прыгажэйшым за музыку і паэзію!

Адкрыццё выставы “Абразы Маці Боскай”

8 кастрычнiка на фiлалагiчным факультэце БДУ адбылося адкрыцце выставы "Абразы Мацi Боскай". Выстава прымеркавана да святкавання Пакрова Прасвятой Багародзiцы i Дня мацi.

PBK 9263

PBK 9264

PBK 9277

PBK 9280

PBK 9302