Літаратурная вечарына “Строки, опалённые войной”

12 мая 2022 года на філалагічным факультэце БДУ прайшла літаратурная вечарына “Строки, опалённые войной”, прымеркаваная да 77-й гадавіны заканчэння Вялікай Айчыннай вайны.

У мерапрыемстве прынялі ўдзел выкладчыкі кафедры нямецкага мовазнаўства, студэнты першага, другога і трэцяга курсаў спецыяльнасці “Рамана-германская філалогія”. Ганаровымі гасцямі вечарыны сталі лаўрэаты фестываляў бардаўскай песні – Сяргей Антонаў і Інэса Вінцкевіч.

Падчас мерапрыемстваў прагучалі вершы і памятныя музычныя кампазіцыі ваенных гадоў, былі прадэманстраваны кадры ваеннай хронікі.

У памяць аб сваяках-удзельніках Вялікай Айчыннай вайны студэнты таксама падрыхтавалі праект “Никто не забыт и ничто не забыто”. На мемарыяльнай дошцы былі размешчаны партрэты і эпізоды біяграфіі членаў сем'яў, якія ваявалі на франтах Вялікай Айчыннай вайны. Таксама была арганізавана выстава плакатаў і малюнкаў на ваенную тэматыку.

IMG ba740d3fc793886713e721bb791ef3e2 V

IMG 0111252000559f16d1f5ba5ea10c3060 V

IMG 64d68677cbb707dec5636508b2827e8b V

IMG c1d1a03d8a5789268ad1a933f17763ff V

IMG c9810d82d9c92fbe9d7ea634c8fcaafc V

100-гадовы юбілей П'ер Паала Пазаліні

22 сакавіка ў 12:00 у Мінскай абласной бібліятэцы імя А.С. Пушкіна студэнты філалагічнага факультэта БДУ адзначаць 100-гадовы юбілей дзеяча італьянскай культуры П'ер Паала Пазаліні адкрыццём невялікай экспазіцыі, прысвечанай выдатнаму майстру.

Мерапрыемства праводзіцца дзякуючы сумеснай ініцыятыве аддзела замежнай літаратуры абласной бібліятэкі і творчага аб'яднання “Перакладчыцкая майстэрня” філалагічнага факультэта (кіраўнік – Салеева М.В., дацэнт кафедры раманскага мовазнаўства, кандыдат філасофскіх навук).

Падчас сустрэчы студэнты прачытаюць вершы Пазаліні і ўласныя паэтычныя пераклады.

Запрашаюцца аматары італьянскай культуры і кінематографа!

Чарнобыльскімі пуцявінамі

З 20 красавіка па 10 мая ў БДУ па ініцыятыве кафедры рускай літаратуры быў праведзены літаратурны марафон – даніна памяці аб трагедыі на Чарнобыльскай АЭС.

Студэнты і вучні дзяліліся сваім чытаннем твораў, прысвечаных Чарнобыльскай трагедыі. Мастацкае асэнсаванне трагічнай падзеі падавалася ў фармаце відэаролікаў.

Удзельнікамі марафона сталі студэнты 1 і 2 курса філалагічнага факультэта БДУАнгеліна Дырман, Валерыя Валкавец, Ганна Краснова, Паліна Маталыга, Аліна Радзько, а таксама студэнты факультэта журналістыкі Ганна Ганжур і Яраслаў Брагіда. Да праекта далучыўся філалагічны факультэт Гродзенскага дзяржаўнага ўніверсітэта імя Янкі Купалы з відэаролікам Аляксандры Ляйко, студэнткі 3 курса.

Па добрай традыцыі ініцыятыву кафедры падтрымалі сярэднія школы з розных рэгіёнаў Беларусі: Прылукская сярэдняя школа (Аляксей Верабей), “Гімназія №1 г. Валожына” (Елізавета Васілеўская), “Сярэдняя школа №1
г. Оршы”.

Сярод твораў знакамітых празаікаў і паэтаў вельмі моцна прагучалі аўтарскія вершы студэнткі 2 курса філалагічнага факультэта Паліны Маталыга.

Мадэратарам мерапрыемства выступіла дацэнт кафедры рускай літаратуры Людмiла Камлюк-Ярашэнка.

Усяго было прадстаўлена 11 відэаролікаў. Жывапісным фонам літаратурнага квілта стала праца Сяргея Давідовіча з каталога “Боль, нарисованная кистью”.

З асобных відэа склаўся літаратурны квілт “Чарнобыльскімі пуцявінамі”, які даступны для прагляду на сумеснай анлайн-дошцы па спасылцы https://padlet.com/deschko7/4ls067jdm4g78q48

Рисунок1

6

Цыкл сустрэч з вядомымі навукоўцамі ў Нацыянальнай бібліятэцы Беларусі

19 студзеня 2022 г. Нацыянальная бібліятэка Беларусі распачынае цыкл сустрэч з вядомымі навукоўцамі «Крыніцы гістарычнай памяці». Дадзеныя сустрэчы будуць адбывацца кожны тыдзень у адкрытым для публікі фармаце і на бясплатнай аснове. У межах праекта перад вучонымі, настаўнікамі, студэнтамі, вучнямі, краязнаўцамі і іншымі зацікаўленымі выступяць вядомыя ў нашай краіне вучоныя і практыкі, якія на працягу многіх гадоў займаюцца пошукам і вывучэннем крыніц па айчыннай гісторыі.

Кожная сустрэча будзе прысвечана важнай старонцы нашай мінуўшчыны і раскрыта на прыкладзе гістарычных крыніц – летапісаў, рукапісных кніг, старадрукаў, даўніх карт, гравюр, падпольных і партызанскіх выданняў часоў вайны, твораў беларускай літаратуры і іншых крыніц, якія захоўваюць гістарычную памяць беларускага народа. Пасля лекцыі эксперта будзе магчымасць задаць яму пытанні, прыняць удзел у дыскусіі, атрымаць аўтограф на выданнях вядомых навукоўцаў.

У якасці першага эксперта 19 студзеня 2022 г. удзел у адкрыцці праграмы сустрэч з навукоўцамі прыме вядомы беларускі вучоны, дырэктар Інстытута літаратуразнаўства імя Янкі Купалы, член праўлення Саюза пісьменнікаў Беларусі доктар філалагічных навук, прафесар Іван Васільевіч Саверчанка. Перад публікай ён выступіць з лекцыяй «Беларуская літаратура эпохі готыкі, Рэнесансу і барока». Пачатак мерапрыемства – а 15:00 у зале адукацыйных тэхналогій Нацыянальнай бібліятэкі Беларусі.

Мерапрыемства адкрытае. Калі вас цікавіць тэма сустрэчы, але няма магчымасці фізічна прысутнічаць на ёй, то запрашаем далучыцца да жывой трансляцыі. Яна будзе весціся ў рэальным часе і дазволіць не толькі назіраць за правядзеннем мерапрыемства, але і прыняць удзел у дыскусіі. Трансляцыя будзе даступная без папярэдняй рэгістрацыі на платформе YouTube па адрасе https://youtu.be/1i4zRRbbwX8.

Наступная сустрэча адбудзецца 26 студзеня (серада) а 15:00. Госцем і экспертам будзе знакаміты гісторык беларускіх летапісных крыніц кандыдат філалагічных навук Вячаслаў Антонавіч Чамярыцкі, які выступіць з лекцыяй «Беларускія летапісы і хронікі». Адрас трансляцыі – https://youtu.be/U-gsK_5W7XA.

Рыхтуецца праграма сустрэч на люты 2022 г. Прапановы да праграмы арганізатары прымаюць па электронным адрасе Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. ці па тэлефоне 375-17-2932503 (Кантактная асоба – намеснік генеральнага дырэктара Нацыянальнай бібліятэкі Беларусі Алесь Суша).

Выстава манет

13 красавіка 2022 года ў кабінеце-музеі беларускай народнай культуры на філалагічным факультэце БДУ адбылася «Выстава манет», прымеркаваная да Міжнароднага дня грошай (неафіцыйнае свята, якое адзначаецца 17 красавіка ў многіх краінах).

На выставе былі прадстаўлены манеты ХХ і ХXI стагоддзяў з 18 краін свету, манеты СССР, рэдкія экземпляры юбілейных манет, сярэбраныя калекцыйныя манеты.

Наведвальнікі выставы таксама мелі магчымасць убачыць першы ў гісторыі грашовы эквівалент – ракавінкі кауры і азнаёміцца з грашовай сістэмай Кітая. Выстава праходзіла ў рамках дысцыпліны "Гісторыя і тэорыя сусветнай культуры".

IMG f40290a8f8585e0aa6ddeaa7cbd14dba V

IMG f79fb98e75ca81e53c5b8b2f2d1d4866 V

IMG 696d7b877f57eac7e865b0dd0a4a0c63 V

IMG 7f1f3b4306689f882d3d39e34d80322a V

Адкрыццё выставы «Калядныя анёлы»

23 снежня на філалагічным факультэце ў кабінеце-музеі беларускай народнай культуры адбылося адкрыццё выставы «Калядныя анёлы.

У экспазіцыі кабінета-музея звыш 70 экспанатаў, сярод якіх:

  • Калядныя анёлы,
  • Анёлы з кнігамі («Ахоўнікі філалогіі»),
  • Анёлы з музычнымі інструментамі («Нябесныя музыкі»),
  • Анёлы-ахоўнікі дзяцінства,
  • Анёлы ў малітвах,
  • Анёлы з кветкамі («Нябесная фларыстыка»),
  • Анёлы ў роздумах («У думках пра высокае»),
  • Анёлы з сэрцайкамі («Пасланнікі кахання»).

На мерапрыемстве за стварэнне фільма ў межах праекта «Беларуская міфалогія і сучасныя тэхналогіі» студэнту 2 курса спецыяльнасці «Беларуская філалогія» Аляксею Панчанкаву быў уручаны «Народны Оскар» – спецыяльная ўзнагарода, заснаваная кабінетам-музеем беларускай народнай культуры.

IMG 0b53895392b07731302ba8c5d4de87bd V

IMG b403d02f7a8da084686c6f8dfc220de4 V

IMG 6bcdcff658b875513d2b7def9e5495ac V

IMG d7c27828ce57d5fff0b2202bdce820b7 V

IMG d368c3959bbb5df326d137d71a67673c V

IMG 8ea602019f52de946a30ac470a5f5d48 V

Акцыя «Здоровое питание – основа здорового образа жизни»

З 7 па 13 красавіка 2022 года на філалагічным факультэце прайшла акцыя «Здоровое питание – основа здорового образа жизни».

На абмеркаванне была вынесена тэма "Правильный перекус – основа здорового желудка". Удзельнікамі мерапрыемства сталі студэнты першага курса. Пасля заканчэння сустрэчы кожны атрымаў у падарунак карысныя батончыкі беларускай вытворчасці «Мюсли, злаки, ягоды».

Арганізатарам акцыі выступіла Грамадскае аб'яднанне "Саюз жанчын БДУ".

IMG be00c6208ba0a66844d2515180b39a36 V

Замежныя студэнты знаёмяцца з беларускімі традыцыямі

На філалагічным факультэце БДУ 23 снежня 2021 года прайшла серыя майстар-класаў «Каля Каляд». Свята традыцыйна арганізоўвае вучэбна-навуковая лабараторыя беларускага фальклору. Мэта мерапрыемстваў – пазнаёміць і далучыць да беларускіх калядных традыцый усіх жадаючых.

Сёлета мерапрыемства наведалі і замежныя студэнты філалагічнага факультэта. Яны пазнаёміліся з асноўнымі каляднымі традыцыямі, даведаліся пра асаблівасці і гісторыю беларускай батлейкі, пра семантыку калядных масак. Пра ўсё гэта ім распавялі супрацоўніцы ВНЛБФ Міхаліна Бурвіна і Вера Дзянісенка. Акрамя таго, студэнты-першакурснікі мелі магчымасць увачавідкі пабачыць самаробную батлейку, паўдзельнічаць у віктарыне і зрабіць свайго каляднага анёлка.

20211223 143833

20211223 145411

ghfsh

IMG 20211223 150303

АД РАМАНАЎ ДА «ЕВАНГЕЛЛЯ» Ф М. ДАСТАЕЎСКАГА: СУСТРЭЧА Ў МІНСКУ

У нашым мітуслівым свеце, дзе гарадскі гул нярэдка заглушае музыку званоў, вельмі важна знаходзіць час і магчымасць сутыкнуцца з Вечным. Для нас, студэнтаў 2 курса, такім адкрыццём стала наведванне 15 сакавіка Мінскай Духоўнай Акадэміі разам з нашым выкладчыкам, дацэнтам кафедры рускай літаратуры Сідаравай Таццянай Пятроўнай.

Нашым правадніком і экскурсаводам стаў Дзмітрый, навучэнец духоўных школ. Малады чалавек, сціплы і ветлы, нагадаў нам Алёшу Карамазава з несмяротнага рамана Ф.М. Дастаеўскага «Браты Карамазавы». Ён захоплена расказаў нам пра гісторыю навучальнай установы, пра храм, пра веру, пра асаблівасці жыцця святароў, дапаўняючы апавяданне гісторыямі з асабістага вопыту і адказваючы на нашыя пытанні.

Нас уразіў роспіс інтэр'ера акадэмічнага храма ў гонар свц. Кірыла Тураўскага, лёгкі і нябёсны, насычаны сімвалічнымі дэталямі.

Пасля агляду царквы мы апынуліся ў царкоўна-гістарычным музеі Акадэміі, сфарміраваным на аснове калекцыі ікон, царкоўных рэчаў, карцін і духоўнай літаратуры мітрапаліта Мінскага і Слуцкага Філарэта (Вахрамеева). Гісторыка-культуралагічныя каментарыі Дзмітрыя дапамагалі глыбей прасякнуцца сутнасцю кожнага экспаната, даведацца пра яго лёс.

Пасля музея нам паказалі кабінет Свяцейшага Экзарха Беларусі прыснапамятнага мітрапаліта Філарэта, героя Беларусі. Мы ўбачылі яго фота, запісы, шматлікія кнігі, даведаліся пра яго як пра аўтарытэтнага царкоўнага дзеяча і прапаведніка, пра яго вялікі ўклад у станаўленне Беларускай Праваслаўнай Царквы. У кабінеце панавала незвычайна спакойная атмасфера.

Безумоўна, самым доўгачаканым і трапяткім момантам экскурсіі стала знаёмства з факсімільным выданнем "Евангелля" Ф.М. Дастаеўскага, якое знаходзіцца ў бібліятэцы Мінскай Духоўнай акадэміі. Гэта было выдатным дадаткам да лекцый, на якіх мы вывучаем творчасць пісьменніка. Дастаеўскі – чалавек з неверагодна багатым духоўным вопытам. Яго стаўленне да рэлігіі паўплывала не на адно пакаленне людзей. Яго па праве можна лічыць асобай, якая змагалася за перамогу сапраўдных хрысціянскіх каштоўнасцяў над злосцю, якая панавала ў сэрцах людзей. Менавіта ён змог зрушыць прыярытэты свайго чытача ў бок любові, дабрадзеі і Святога Пісання.

Евангелле Фёдара Міхайлавіча сапраўды з'яўляецца здабыткам міравой культуры. Гэта кніга, да якой пісьменнік і філосаф звяртаўся ў хвіліны спакус, у імгненні радасці і натхнення.

Унікальны асобнік Евангелля Дастаеўскага, які знаходзіцца ў кардоннай імітацыі катаржнага вагона, не пакінуў абыякавым нікога са студэнтаў! Сумны дызайн «вагончыка» падкрэслівае глыбіню душэўных нягод, выпрабаваных Дастаеўскім на катарзе, якія, разам з тым, прывялі яго да духоўнага перараджэння і накіравалі на шлях веры. Мы маглі разгледзець шматлікія нататкі, каментарыі, якія пісьменнік рабіў на старонках Евангелля не толькі на катарзе, але і на працягу ўсяго жыцця, бо Евангелле, якое яму падарыла жонка дзекабрыста Н.Д. Фанвізіна, не пакідала яго ніколі. Цяжка перадаць словамі тое, што жыло ў сэрцах кожнага з нас у гэтую хвіліну. Мы адчулі нейкае адзінства, схіляючыся над пажоўклымі лісткамі Святой Кнігі.

Прыемна здзівіла і тое, што Мінская Духоўная акадэмія ідзе ў нагу з часам: зручны сайт, электронная бібліятэка, анлайн-трансляцыі богаслужэнняў дазваляюць кожнаму далучыцца да непаўторнай атмасферы гэтай багаслоўскай установы і запазычыць для сябе шмат карыснай інфармацыі.

Калі мы выйшлі на вуліцу, яна ўся была залітая святлом, яркім сонцам, якім свяціўся свет, і мы, здавалася, разам з ім. Святло дабра і чыстага, безумоўнага кахання нёс у сваім сэрцы кожны з нас.

Аказваецца, пачуць званы можна заўсёды і ўсюды – варта толькі шчыра захацець.

Мы ўдзячны прарэктару па навукова-багаслоўскай рабоце Мінскіх Духоўных акадэміі і семінарыі, кадыдату багаслоўя Слесарову Аляксандру Валер'евічу за прадстаўленую магчымасць наведаць выдатную навучальную ўстанову з яе ўнікальнай гісторыяй і духоўнай культурай.

IMG 20220315 134646

IMG 20220315 134755

IMG 20220315 135736

IMG 20220315 140846

IMG 20220315 140929

IMG 20220315 141252

IMG 20220315 141740

Традыцыйная кухня як частка нацыянальнай культуры

Першая ёлка на філілагічным факультэце традыцыйна была ўпрыгожана ў кабінеце-музеі беларускай народнай культуры яшчэ на пачатку снежня, а 16 снежня кабінет-музей прымаў гасцей на тэматычным мерапрыемстве «Традыцыйная кухня як частка нацыянальнай культуры». Тут былі прадстаўлены беларуская, турэцкая і кітайская нацыянальныя кухні. Госці свята даведаліся пра гісторыю нацыянальных кухань і фальклор, які іх суправаджае, пра смачныя і карысныя рэцэпты, традыцыйныя навагоднія стравы. Некаторыя з іх удзельнікі свята змаглі нават прадэгуставаць.

Мерапрыемства праводзілася ў межах семінара «Беларускі фальклор у сусветным кантэксце» з удзелам студэнтаў другога курса спецыяльнасці «Беларуская філалогія”. Кіраўнік праекта – доктар філалагічных навук, прафесар Ірына Валер’еўна Казакова. Падчас мерапрыемства таксама быў анансаваны праект «Беларская міфалогія і сучасныя тэхналогіі».

IMG b610507e0533d38d6f92b61d3a14f004 V

 5321337250384033195 121

 5321337250384033196 121

 5321337250384033197 121

IMG d6d6220776d951ae5f6dcf7da562de53 V

 5321497714657181111 121

СТУДЭНТЫ ФІЛФАКА НА ХХІХ МІЖНАРОДНАЙ КНІЖНАЙ ВЫСТАВЕ

23 сакавіка 2022 г. студэнты 1 і 2 курсаў спецыяльнасці «Беларуская філалогія» разам з выкладчыкамі, дацэнтамі кафедры гісторыі беларускай літаратуры Л. А. Гедзімін і І. І. Шматковай наведалі ХХІХ Міжнародную кніжную выставу, што праходзіць у павільёне “БелЭкспа” на пр. Пераможцаў, 14.

Студэнты філфака сталі ўдзельнікамі прэзентацыі кнігі Алеся Бадака «Ідэальны чытач». Ім было цікава пазнаёміцца з асобай аўтара – беларускага паэта і празаіка, літаратурнага крытыка і публіцыста, дырэктара выдавецтва «Мастацкая літаратура» Алеся Мікалаевіча Бадака. Пісьменнік распавёў пра ўласныя творчыя погляды, пра тое, што яго натхняе, даў парады маладым аўтарам, паразважаў пра ідэальнага чытача, прачытаў свае вершы. Сафія Вакуліч, Марыя Шкляр і іншыя студэнты-філолагі былі не толькі ўдзячнымі слухачамі, але і задалі Алесю Мікалаевічу пытанні, на якія атрымалі шчырыя адказы. Студэнты змаглі набыць кнігі сучасных аўтараў, атрымалі аўтографы А. Бадака, В. Шніпа, А. Спрынчан і інш.

У гэты дзень студэнты філфака на Міжнароднай кніжнай выставе наведалі кніжны стэнд БДУ.

изображение viber 2022 03 23 22 15 09 485

изображение viber 2022 03 23 22 14 44 889

изображение viber 2022 03 23 22 14 26 037