BY 
На філалагічным факультэце Беларускага дзяржаўнага ўніверсітэта 06.01–21.02.2025 адбыўся конкурс відэапраектаў «Філалагічны факультэт – дружная сям'я моў». Конкурс прысвечаны 85-годдзю філалагічнага факультэта і накіраваны на папулярызацыю факультэта і яго спецыяльнасцей сярод навучэнскай моладзі, абітурыентаў 2025 года.
Арганізатарам мерапрыемства выступіла кафедра германскага мовазнаўства філалагічнага факультэта БДУ. Найбольш актыўны ўдзел у конкурсе прынялі студэнты першага і другога курса. Конкурс праходзіў у некалькі этапаў. Удзельнікі стварылі творчыя працоўныя групы, здымалі і манціравалі відэа, арганізоўвалі сустрэчы з навучэнцамі школ, дзе прадстаўлялі свае праекты.
25.02.2025 прайшла выніковая канферэнцыя ўдзельнікаў конкурсу, на якой студэнты падзяліліся ўражаннямі аб сустрэчах са школьнікамі і прадэманстравалі свае праекты. 26.02.2025 адбылося падвядзенне вынікаў конкурсу, былі аб'яўлены пераможцы па наступных намінацыях:
- «Лепшы відэапраект»
Відэа – Баранава Анастасія, Дораш Эліна, Мішкевіч Улада 1 курс, 14 група, Славянская філалогія;
Відэа – Палхоўская Паліна, Міхайлоўская Крысціна, Шмань Павел 2 курс, 9 група, Рамана-германская філалогія.
- «Самае прафесійнае відэа»
Відэа – Зязётка Ульяна, Хачыкян Джульета 1 курс, 14 група, Славянская філалогія;
Відэа – Якімава Яна 3 курс, 8 група, Рамана-германская філалогія.
- «Самы арыгінальны сцэнарый»
Відэа – Мысіна Анастасія, Саковіч Ганна 1 курс, 6 група, Руская філалогія;
Відэа – Чарнова Юлія, Куніцына Дар'я, Доўляш Соф'я 1 курс, 14 група, Славянская філалогія.
- «Самая крэатыўная прэзентацыя відэапраекта»
Відэа – Чарнова Юлія, Куніцына Дар'я, Доўляш Соф'я 1 курс, 14 група, Славянская філалогія;
Відэа – Шут Антон, Тарасевіч Валерыя, Цяленчанка Дар'я 1 курс, 6 група, Руская філалогія.
- «Самае эмацыйнае відэа»
Відэа – Пахоменка Алена, Сямённік Аліна 1 курс, 6 група, Руская філалогія;
Відэа – Воўк Маргарыта, Бахерава Лізавета 1 курс, 13 група, Славянская філалогія, Замяткіна Алеся 1 курс, 14 група, Славянская філалогія.
Асноўным вынікам конкурсу можна лічыць папулярызацыю філалагічнага факультэта БДУ ў рэспубліцы. Азнаёміцца з вынікамі конкурсу і работамі пераможцаў можна на Адукацыйным партале філалагічнага факультэта БДУ, платформа DLS Moodle
Аргкамітэт дзякуе ўсім удзельнікам і віншуе пераможцаў конкурсу.
