Урок-экскурсія “Я пакажу табе Мінск”

6 верасня старшым выкладчыкам кафедры тэорыі і методыкі выкладання рускай мовы як замежнай Шыкуновай С.У. быў арганізаваны ўрок-экскурсія “Я пакажу табе Мінск”, падчас якога замежныя студэнты 2 курса эканамічнага факультэта мелі магчымасць выступіць у ролі гіда. Маршрут мерапрыемства праходзіў па вуліцах К. Маркса, Кірава, Леніна, Энгельса. Студэнты расказвалі пра славутыя мясціны, якія знаходзяцца на гэтых вуліцах, пра свае любімыя месцы, дзяліліся гісторыямі, якія адбыліся з імі на вуліцах Мінска. Мерапрыемства было прымеркавана да Дня горада і арганізавана з мэтай развіцця камунікатыўных навыкаў, паляпшэння беглай гаворкі, пашырэння слоўнікавага запасу, фарміравання ўмення весці дыялог. Урок-экскурсія выклікаў павышаную цікавасць у студэнтаў, бо прадугледжваў магчымасць зносін, стымуляваў моўную практыку на замежнай мове ў натуральным асяроддзі і садзейнічаў эмацыйнаму ўцягванню ў працэс навучання.