BY 
12.03.2026 у рамках заняткаў па англійскай мове дацэнт кафедры германскага мовазнаўства У.Ф. Таўставухава і старшы выкладчык Т.В. Крывогіна правялі мерапрыемства «Топ 5 выбітных жанчын Беларусі і Брытаніі» са студэнтамі 2 курса рамана-германскай філалогіі.
Мэта мерапрыемства - акцэнтаваць значнасць укладу жанчын дзвюх краін у развіццё навукі, культуры, адукацыі, спрыяць павышэнню грамадскага прызнання ролі жанчын і прасоўванні роўных магчымасцяў для іх, натхніць новыя пакаленні на дасягненні і лідарства. Мерапрыемства было арганізавана ў фармаце круглага стала, падчас якога студэнты прадставілі даклады і прэзентацыі пра выбітных суайчынніц на роднай мове, а таксама паведамленні аб уплывовых брытанках на англійскай мове. Гэта надало мерапрыемству міжкультурны кампанент і дазволіла весці абмеркаванне на розных мовах.
