BY 
13.10.2026 старшы выкладчык кафедры германскага мовазнаўства Л.Ю. Маслоўская правяла лінгвістычную віктарыну, прымеркаваную да Міжнароднага дня перакладчыка. Мерапрыемства прайшло з удзелам студэнтаў трэцяга курса германскай філалогіі.
Мэта мерапрыемства – папулярызацыя прафесіі перакладчыка, павышэнне ўзроўню моўнай культуры студэнтаў, выхаванне цікавасці да прафесійна-працоўнай дзейнасці.
Мерапрыемства пачалося з прэзентацыі студэнтамі гісторыі стварэння і ключавых напрамкаў Арганізацыі Аб'яднаных Нацый, а таксама яе дзеючых праграм на тэрыторыі Беларусі.
Цэнтральнай часткай англамоўнага мерапрыемства стала лінгвістычная віктарына «Роля перакладчыка ў рабоце ААН», якая пачалася з прагляду відэа-інтэрв’ю перакладчыкаў, што працуюць у гэтай арганізацыі. Па выніках прагляду студэнты, падзяліўшыся на каманды, выканалі шэраг заданняў. Віктарына прайшла ў атмасферы здаровай канкурэнцыі і жывой цікавасці.
