BY З нагоды 130-годдзя Якуба Коласа Савет маладых вучоных філалагічнага факультэта пры падтрымцы дэканата абвяшчае конкурс эсэ “Бібліятэка, кнігарня, архіў… Сёння і заўтра беларускай класікі”.
Запрашаем студэнтаў філалагічнага факультэта падзяліцца сваімі разважаннямі. Магчыма, Ваша асабістая думка не трапляе ў мэйнстрым сучаснага літаратуразнаўства ці абмінае агульнапрызнаны культурны кантэкст? У такім разе асабліва цікава пачуць Ваша меркаванне!
Аўтары самых шчырых, парадаксальных, абгрунтаваных, сталых… (спіс працягваецца) прац атрымаюць прыемную ўзнагароду.
Аб’ём эсэ ў друкаваным выглядзе – да трох старонак, усе палі па 2 см, 14 pt, інтэрвал 1,5. Дапушчальны рукапісны варыянт.
Астатняе афармленне –на Ваш густ.
Мовы – беларуская і руская.
Перад асноўным тэкстам неабходна ўказаць прозвішча і імя, курс, групу, спецыяльнасць.
Калі ласка, накіроўвайце Вашы працы ў раздрукаваным альбо пісьмовым выглядзе на кафедру рускай мовы, аўд. 57 (Вользе Уладзіміраўне Зуевай) ці на e-mail па адным з адрасоў:
Эсэ прымаюцца да 1 лістапада.
Чакаем Вашай творчай ініцыятывы!
Савет маладых вучоных
