Прэзентацыя “Энцыклапедычнага слоўніка рэлігійнай лексікі беларускай мовы”

25 лістапада на філалагічным факультэце адбылася падрыхтаваная кафедрай гісторыі беларускай мовы прэзентацыя “Энцыклапедычнага слоўніка рэлігійнай лексікі беларускай мовы”, які быў выпушчаны выдавецтвам Граўцова. Першы ў сваім родзе слоўнік падрыхтаваны не зусім звычайным калектывам, у складзе якога – ксёндз-дэкан мінскага касцёла Святога Сымона і Святой Алены Уладзіслаў Завальнюк, загадчык кафедры гісторыі беларускай мовы БДУ прафесар Мікалай Прыгодзіч і выкладчык-метадыст беларускай мовы і літаратуры, выдатнік народнай асветы Беларусі Валянціна Раманцэвіч. Ганаровымі гасцямі сталі прафесар Адам Мальдзіс і прафесар Аляксандр Булыка. Вяла мерапрыемства дацэнт Ірына Будзько. На прэзентацыі М.Прыгодзіч і В.Раманцэвіч расказалі пра ідэю стварэння і сваю працу над слоўнікам, пра цяжкасці, з якімі сутыкнуліся, і спадзяванні, ускладзеныя імі на гэтае выданне. Сваімі развагамі і назіраннямі падзяліліся з аўдыторыяй і запрошаныя ганаровыя госці.

{gallery}2013-11-28{/gallery}