Навучанне на філалагічным факультэце БДУ па скарочанай праграме

31.03.2014 г. адбылося падпісанне дамовы аб прыёме на завочную форму на скарочаны курс навучання (4 гады) па спецыяльнасцях “Беларуская філалогія” (па напрамках) і “Руская філалогія” (па напрамках) выпускнікоў Лоеўскага і Рэчыцкага дзяржаўных педагагічных каледжаў. Намеснікі дэкана дацэнты Хмяльніцкі М. М. і Навойчык П. І. наведалі названыя каледжы, дзе выступілі перад навучэнцамі, расказалі пра ўмовы паступлення на філалагічны факультэт БДУ, а таксама пра асаблівасці вучэбнага працэсу.

Навучанне на філалагічным факультэце БДУ па скарочанай праграме не толькі павышае кваліфікацыю, але і павялічвае магчымасці эфектыўнага кар’ернага росту для моладзі. Нездарма такая форма супрацоўніцтва з педагагічнымі каледжамі, распачатая ў мінулым годзе, выклікала вялікую цікавасць сярод выпускнікоў ССНУ. На сённяшні дзень дамовы аб прыёме на скарочаны курс навучання падпісаны з наступнымі ўстановамі адукацыі:
•       Барысаўскі дзяржаўны каледж;
•       Гомельскі дзяржаўны педагагічным каледж імя Л. С. Выгоцкага;
•       Лідскі каледж УА “Гродзенскі дзяржаўны ўніверсітэт імя Янкі Купалы”;
•       Лоеўскі дзяржаўны педагагічны каледж;
•       Нясвіжскі дзяржаўны педагагічны каледж імя Якуба Коласа;
•       Полацкі каледж УА “Віцебскі дзяржаўны ўніверсітэт імя П. М. Машэрава”;
•       Рэчыцкі дзяржаўны педагагічны каледж;
•       Салігорскі дзяржаўны педагагічны каледж.

{gallery}2014-04-02{/gallery}