BY 
У мэтах павышэння зацікаўленасці навучэнцаў і актуалізацыі на занятках лінгвакраіназнаўчага кампанента выкладчык кафедры кітайскай філалогіі Паліна Алейнікава арганізавала і правяла майстар-клас “Кулінарнае падарожжа па 8 вялікіх кухнях Кітая”. На дадзеным занятку студэнты-філолагі:
1) здзейснілі віртуальнае турнэ па 8 самых знакамітых гастранамічных рэгіёнах Паднябеснай – ад вогненнай Сычуані да вытанчанай Кантонскай правінцыі;
2) даведаліся пра ключавыя філасофскія прынцыпы кітайскай кухні, уключаючы канцэпцыю баланса «пяці смакаў» і ўплыў геаграфіі на іх фарміраванне;
3) пазнаёміліся з асаблівасцямі кітайскага сталовага этыкету і асноўнымі тэхнікамі прыгатавання кітайскай ежы (хуткае смажанне, тушэнне і інш.);
4) завяршылі падарожжа традыцыйным чаяваннем і дэгустацыяй блюдаў некалькіх рэгіянальных кухняў.
У працэсе знаёмства з традыцыйнай кухняй Кітая студэнты падрыхтавалі цікавыя прэзентацыі аб яе спецыфіцы, вывучылі новыя словы, засвоілі спецыяльную лексіку, прааналізавалі камунікатыўныя сітуацыі.
