На філалагічным факультэце БДУ пройдзе Міжнародны конкурс эсэ на англійскай мове «ERUDITE – 2022»

Кафедра англійскага мовазнаўства філалагічнага факультэта БДУ аб'яўляе аб пачатку правядзення Міжнароднага конкурсу эсэ на англійскай мове "Erudite – 2022".

Тэма эсэ для прадстаўлення на конкурс – "WHEN THE ROOTS ARE DEEP THERE IS NO REASON TO FEAR THE WIND" / «КАЛІ КАРАНІ ГЛЫБОКІЯ, НЯМА ПРЫЧЫН БАЯЦЦА ВЕТРА».

Конкурс прымеркаваны да Года гістарычнай памяці ў Беларусі і праводзіцца ў мэтах фарміравання нацыянальнай ідэнтычнасці, захавання гістарычнай памяці, павышэння ўзроўню гісторыка-культурнага і патрыятычнага выхавання моладзі, раскрыцця духоўна-маральнага патэнцыялу студэнтаў, стварэння ўмоў для іх інтэлектуальнай і творчай самарэалізацыі, паляпшэння ўзроўню моўнай падрыхтоўкі.

Да ўдзелу ў конкурсе запрашаюцца студэнты моўных спецыяльнасцей (асноўная замежная мова – англійская) вышэйшых навучальных устаноў.

Конкурс пройдзе ў вочна-завочным фармаце з 01.11 па 20.12.2022.

Для ўдзелу ў конкурсе трэба да 1 снежня 2022 года падаць у Аргкамітэт адным файлам заяўку з тэкстам эсэ на электронны адрас Адрес электронной почты защищен от спам-ботов. Для просмотра адреса в браузере должен быть включен Javascript..

14 снежня 2022 года журы вызначыць пераможцаў конкурсу ў пяці намінацыях: "The Best Essay" (I, II, III месца) – галоўная намінацыя конкурсу; "The Language Expert"; "The Most Logical Essay"; "The Most Original Essay"; "The Most Emotional Essay".

Работы пераможцаў і вынікі конкурсу будуць размешчаны на афіцыйным сайце конкурсу (https://sites.google.com/view/bsu-essay-contest/), дыпломы ўручаны на афіцыйнай цырымоніі ўшаноўвання пераможцаў. Азнаёміцца з Палажэннем аб конкурсе і атрымаць больш падрабязную інфармацыю аб яго правядзенні, узнагародах і патрабаваннях да эсэ можна тут.