BY 
22 − 24 кастрычніка 2015 года на філалагічным факультэце Беларускага дзяржаўнага ўніверсітэта адбылася XII Міжнародная навуковая канферэнцыя «Славянскія літаратуры ў кантэксце сусветнай», прысвечаная 750-годдзю з дня нараджэння Дантэ Аліг’еры і 85-годдзю з дня нараджэння Уладзіміра Караткевіча.
Удзельнікі канферэнцыі працавалі ў дванаццаці секцыях:
· Дантэ і славянскія літаратуры;
· Творчасць У. Караткевіча ў сусветным кантэксце;
· Сусветная літаратура:тэорыя і мастацкая практыка;
· Праблемы ідэнтычнасці ў мастацкім тэксце;
· Аповедныя стратэгіі і дыскурсіўныя практыкі;
· Сусветная літаратура ў беларускай культурнай прасторы;
· Сусветная літаратура: праблемы жанра;
· Міф, фальклор, літаратура;
· Біблія і сусветная літаратура;
· Рэальнасць і вымысел у мастацкай літаратуры;
· Літаратура і вайна;
· Літаратура і выдавецкая справа ў сучаснай культурнай прасторы.
У канферэнцыі ўзялі ўдзел больш за сто навукоўцаў з Беларусі, Італіі, Расіі, Украіны, Францыі, Японіі.
У межах канферэнцыі праведзены круглы стол «Пісьменнік у дыялогу Усходу і Захаду» з удзелам французскага пісьменніка Мішэля Луё, які таксама прачытаў цыкл лекцый для студэнтаў аддзялення французскай філалогіі. Увазе ўдзельнікаў канферэнцыі была прапанаваная музыкальна-паэтычная кампазіцыя “Вішнёвы сад душы” ў выкананні Марыны Паповай і Алы Бяляўскай (рэжысёр Галіна Яроміна).
{gallery}2015-10-29_1{/gallery}
