BY 17 мая 2021 года ў двары галоўнага корпуса БДУ адбылася ўрачыстая цырымонія абнаўлення Дошкі гонару Беларускага дзяржаўнага ўніверсітэта.
Па традыцыі на Дошку гонару кожны год заносяцца імёны і фотаздымкі супрацоўнікаў і навучэнцаў БДУ. Такога гонару ўдастойваюцца за заслугі і дасягненні ў адукацыйнай, навуковай, метадычнай, інавацыйнай, кіраўніцкай і спартыўнай дзейнасці.
У гэтым годзе з ліку супрацоўнікаў і студэнтаў філалагічнага факультэта гэтага гонару ўдастоены дацэнт кафедры гісторыі беларускай літаратуры Кароткі Уладзімір Георгіевіч, студэнтка 4 курса спецыяльнасці “Усходняя філалогія”, старшыня Творчага саюза Еўтушкевіч Анастасія і студэнт 5 курса спецыяльнасці “Рамана-германская (англійская) філалогія” Дзегцярэнка Міхаіл.
Ганарымся Вамі і жадаем поспехаў у далейшай працоўнай, вучэбнай і творчай дзейнасці.
