Вынікі IV Міжнароднай Універсіяды па італьянскай мове

На філалагічным факультэце 18–22 кастрычніка адбыўся міжнародны тур IV Універсіяды па італьянскай мове. Універсіяда арганізавана кафедрай раманскага мовазнаўства ў супрацоўніцтве з асацыяцыяй выкладчыкаў замежных моў ANILS. Для ўдзелу ў мерапрыемстве сёлета зарэгістраваліся больш за 30 выкладчыкаў-экзаменатараў з 24 універсітэтаў 11 краін (Алжыр, Беларусь, Бразілія, Іарданія, Ізраіль, Іспанія, Італія, Літва, Латвія, Расія, Украіна). У вочнай і завочнай форме ў розных універсітэтах прынялі ўдзел каля 500 студэнтаў, якія вывучаюць італьянскую мову. Сярод студэнтаў філалагічнага факультэта лепшыя вынікі ў катэгорыі A2 паказалі студэнты рамана-германскага аддзялення Вікторыя Сямчонак і Ксенія Хамцэвіч, у катэгорыі В1 – Марына Верабей, Дар’я Процак, у катэгорыі В2 – Яніна Аляксеенка і Святлана Пяхота, у катэгорыі С1 – Канстанцін Лазоўскі, Марыя Кудаш, Дзіяна Давыдзенка.

 2021 10 27 13 01 16 767

2021 10 27 13 01 17 710