Падведзены вынікі агульнаўніверсітэцкага конкурсу на лепшы дэвіз кафедры класічнай філалогіі

У конкурсе прынялі ўдзел студэнты гістарычнага, філалагічнага, біялагічнага і хімічнага факультэтаў БДУ. Былі прапанаваны больш чым 90 яскравых і змястоўных дэвізаў, якія падкрэсліваюць важнасць вывучэння класічных моў і антычнай спадчыны, значнасць класічнай філалагічнай адукацыі ў сучасным свеце. Сярод прапанаваных варыянтаў былі як агульнавядомыя лацінскія выслоўі і іх перыфразы, так і ўласна-аўтарскія выказванні на лацінскай мове. Абраць з мноства дастойных варыянтаў адзіны было вельмі складана. Пасля доўгіх дэбатаў конкурсная камісія, у якую ўвайшлі супрацоўнікі кафедры класічнай філалогіі, адабрала пяць выслоўяў, што выйшлі ў фінал: Veritate, sapientia, labore ‘Ісцінай, мудрасцю, працай’ (Гапеева Кацярына, 1 курс, 16 гр.), Flamma scientiarum non tabescit ‘Полымя ведаў не згасае’ (Грэк Злата, 1 курс, 8 гр.), Multa renascentur, quae jam cecidere ‘Многае можа адрадзіцца з таго, што ўжо памерла’, Disce, ut intellegas ‘вучы, каб разумець’ (Дзянісейка Анжаліка, 1 курс, 16 гр.) і Vestigia semper adora ‘Заўсёды шануй сляды мінулага’ (Драгун Мацвей, 1 курс, 16 гр.).

Пераможцам конкурсу стала студэнтка 1-га курса спецыяльнасці «Класічная філалогія» (16 гр.) Гапеева Кацярына з заяўленым дэвізам Veritate, sapientia, labore ‘Ісцінай, мудрасцю, працай’, які, на думку супрацоўнікаў кафедры, найбольш дакладна адлюстроўвае дух і каштоўнасці кафедры класічнай філалогіі.

Віншуем пераможцу і дзякуем усім удзельнікам конкурсу!