I Шаблоўскія чытанні

З 17 па 21 снежня 2021 года на кафедры замежнай літаратуры праходзілі I Шаблоўскія чытанні студэнтаў, магістрантаў, аспірантаў. Навуковае мерапрыемства – даніна пашаны доктару філалагічных навук, прафесару Ірыне Вікенцьеўне Шаблоўскай. Мэта чытанняў – захаванне пераемнасці ў даследаванні сусветнай літаратуры, далучэнне маладога пакалення да навуковай школы І. В. Шаблоўскай, развіццё такіх літаратуразнаўчых кірункаў, як кампаратывістыка, беларуская літаратура ў сусветным кантэксце, нацыянальнае і ўніверсальнае, праблема іншасці і формы яе рэалізацыі ў літаратуры. На канферэнцыі былі прачытаны 63 даклады ў 9 секцыях. Мадэрацыя секцый ажыццяўлялася студэнтамі старэйшых курсаў і аспірантамі. Самыя актыўныя ўдзельнікі адзначаны падзякай дэкана ў намінацыях «Першы крок у навуцы», «Мадэрацыя і вядзенне навуковай дыскусіі», «Актыўны ўдзел у навуковай дыскусіі», «Распрацоўка актуальных літаратуразнаўчых канцэпцый», а таксама граматамі кафедры замежнай літаратуры. Па выніках працы канферэнцыі рыхтуецца зборнік навуковых артыкулаў.