BY 
25 студзеня 2023 года ў рамках правядзення Тыдня беларускай навукі на філалагічным факультэце адбылося адкрыццё выставы кніжных выданняў «Лингвистические исследования: язык, культура, творчество». Арганізатарам выставы выступіла кафедра тэарэтычнага і славянскага мовазнаўства.
У экспазіцыі прадстаўлены манаграфіі, слоўнікі, зборнікі навуковых артыкулаў, падручнікі і навучальныя дапаможнікі, напісаныя членамі кафедры, у тым ліку ў рамках функцыянавання навуковай школы «Теория языка и славистика». Выстаўленыя кнігі з’яўляюцца крыніцай актуальных ведаў у галіне сучаснага агульнага мовазнаўства, славістыкі, індаеўрапеістыкі, функцыянавання і развіцця славянскіх моў, інавацыйных метадаў навучання славянскім мовам у якасці замежных і інш.
Адкрыццё выставы адбылося пры ўдзеле кіраўніцтва філалагічнага факультэта, выкладчыкаў кафедры тэарэтычнага і славянскага мовазнаўства, студэнтаў спецыяльнасці «Славянская філалогія».
