BY 
16 снежня 2024 года на філалагічным факультэце для замежных студэнтаў 2 курса спецыяльнасці «Руская мова» быў праведзены інтэрактыўны занятак у рамках міжнароднай валанцерскай праграмы «Паслы рускай мовы ў свеце». Дадзеная праграма з’яўляецца новым фарматам гуманітарнага валанцерства, развіцця моладзевага супрацоўніцтва ў інтарэсах прасоўвання рускай мовы. Праграма рэлізуецца Дзяржаўным інстытутам рускай мовы ім. А. С. Пушкіна з 2015 года пры падтрымцы Міністэрства навукі і вышэйшай адукацыі Расійскай Федэрацыі, Россупрацоўніцтва, Фонда прэзідэнцкіх грантаў і Фонда падтрымцы публічнай дыпламатыі імя А. М. Гарчакова.
Валанцеры Нікіфарава Аляксандра, Дыяна Мохамад і Алена Карапанава пры дапамозе гульнявых сродкаў і інтэрактыўных форм пазнаемілі замежных студэнтаў з Туркменістана і Кітая з рускай культурай, з рускімі народнымі промысламі: палехам (мініяцюрным жывапісам тэмперай на лакавых вырабах з пап’е-машэ), дымкаўскай цацкай. Студэнты навучыліся адрозніваць віды роспісу – джэль і хахламу, самі паспрабавалі размаляваць драўляныя дошчачкі ў стылі, які больш спадабаўся, папрактыкаваліся ў нанясенні традыцыйных узораў.
Студэнты з вялікай цікавасцю паглядзелі відэафрагменты пра культуру Расіі, якія паказалі валанцеры, прынялі актыўны ўдзел у гутарцы, з захапленнем выканалі творчыя заданні.
Пасля заканчэння мерапрыемства навучэнцы падзякавалі валанцерам за ўнікальны вопыт і атрымалі, акрамя каштоўных ведаў і яркіх эмоцый, прыемныя сувеніры.
Арганізатарам дадзенага мерапрыемства выступіла кафедра прыкладной лінгвістыкі філалагічнага факультэта БДУ.
Кафедра прыкладной лінгвістыкі выказвае падзяку праграме «Паслы рускай мовы ў свеце» і чакае новых сустрэч!
