Мова яднае пакаленні

14 сакавіка 2025 года ў межах праекта “Шануем мову як яднання дар” студэнты 2 курса спецыяльнасці “Беларуская філалогія” правялі пасяджэнне “Клуба аматараў роднага слова” ў ДУ “Тэрытарыяльны цэнтр сацыяльнага абслугоўвання насельніцтва Ленінскага раёна г. Мінска”. Мерапрыемства было прысвечана творчасці беларускіх паэтэс Ніны Мацяш і Яўгеніі Янішчыц. Прагучалі вершы пра бацькоў і малую радзіму, пра шчасце і каханне. Студэнты змаглі праявіць сябе ў якасці педагогаў, а пажылыя ўдзельнікі сустрэчы былі рады сустрэцца з прадстаўнікамі маладога пакалення.