Пасяджэнне Клуба аматараў роднага слова у Тэрытарыяльным цэнтры сацыяльнай абароны насельніцтва

15 мая ў Тэрытарыяльным цэнтры сацыяльнай абароны насельніцтва адбылося чарговае пасяджэнне Клуба аматараў роднага слова «Паклонімся і мёртвым, і жывым...», прысвечанае Міжнароднаму дню сям’і і 80-годдзю Вялікай Перамогі. Дацэнт кафедры беларускага мовазнаўства Чарнаброўкіна Наталля Уладзіміраўна і наведвальнікі цэнтра падзяліліся сямейнымі гісторыямі, расказалі аб тым, як любоў да блізкіх, вера і міласэрнасць дапамагалі людзям у часы ваеннага ліхалецця. Прагучалі вершы Рыгора Барадуліна, Петруся Броўкі, Яўгеніі Янішчыц і іншых паэтаў, прысвечаныя бацькам і малой радзіме.