BY 
17.09.2025 года ў гонар Дня народнага адзінства і ў рамках патрыятычнага і ідэалагічнага выхавання студэнты 8 і 9 навучальных груп 1 курса спецыяльнасці «рамана-германская (англійская) філалогія» у суправаджэнні куратараў В.В.Скарабагатага і Д.В.Шайбаковай наведалі паказ кінадылогіі «Нашы сімвалы» ў кінатэатры «Масква».
Паход у кінатэатр быў арганізаваны з мэтай паглыблення ведаў студэнтаў аб дзяржаўнай сімволіцы і яе гістарычным значэнні, развіцця актыўнай грамадзянскай пазіцыі, падмацавання нацыянальнай самасвядомасці. Кінадылогія раскрыла паходжанне і эвалюцыю сцяга і герба ў гістарычным кантэксце, прадэманстравала ключавыя этапы іх станаўлення праз архіўныя матэрыялы, інтэрв’ю з гісторыкамі і дзеячамі культуры, асабістыя сведчанні, а таксама закранула сучаснае значэнне сімволікі і яе ролю ў аб’яднанні грамадства ў крызісныя моманты. Студэнты адзначылі змястоўнасць і нагляднасць падачы: спалучэнне дакументальнай хронікі, прафесійных рэканструкцый і лёгкага для ўспрымання фармату зрабіла фільм інфарматыўным і эмацыйна ўцягваючым. Візуальная частка і цікавыя кадры дапамаглі лепш прадставіць усю складанасць станаўлення беларускіх сімвалаў такімі, якімі мы іх бачым цяпер.
Па выніках прагляду студэнты выказалі падзяку арганізатарам за магчымасць сумеснага наведвання фільма і адзначылі, што такія мерапрыемствы становяцца добрай пляцоўкай для жывога абмеркавання гістарычных і маральных пытанняў, збліжаючы студэнтаў на агульных светапоглядных падставах. Многія з тых, хто наведаў фільм, заўважылі, што кінадылогія выклікае пачуццё гонару за сваю краіну, цікавасць да беларускай гісторыі і культуры, раскрывае мноства дзіўных фактаў пра беларускую сімволіку.
