Дыскусійная пляцоўка «Роля сям'і ў выхаванні грамадзяніна»

07.10.2025 у рамках плана выхаваўчай работы кафедры германскага мовазнаўства старшы выкладчык Ю. А. Жукава арганізавала дыскусійную пляцоўку "Роля сям'і ў выхаванні грамадзяніна" для студэнтаў 1 курса рамана-германскай (англійскай) філалогіі.

Мэта мерапрыемства – сфарміраваць у студэнтаў разуменне значнасці сям'і як інстытута сацыялізацыі, накіраванага на выхаванне адказнага, актыўнага і каштоўнасна-арыентаванага грамадзяніна, садзейнічаць усведамленню асабістай адказнасці за будучыню сваёй сям'і і грамадства, а таксама разуменню таго, як гэтыя сферы ўзаемазвязаны.

У час дыскусіі былі ўзняты важныя пытанні аб значэнні сямейных каштоўнасцей, ролі бацькоў і блізкіх у фарміраванні грамадзянскай адказнасці, патрыятызму і маральных якасцей у маладога пакалення. Студэнты прадставілі свае прэзентацыі, у якіх вызначылі актуальнасць выбранай тэмы і існуючыя праблемы.

Мерапрыемства садзейнічала ўмацаванню разумення неабходнасці сумесных намаганняў сям'і і грамадства ў выхаванні адказных і свядомых грамадзян.