Трэнінг «Разам – лягчэй!»

06.11.2025 студэнты 8-й навучальнай групы спецыяльнасці «рамана-германская (англійская) філалогія» пры падтрымцы куратара Д.В. Шайбаковай правялі незвычайны інфармацыйны час пад назвай «Разам – лягчэй!». Мерапрыемства ставіла перад сабой важныя мэты: ўмацаванне каманднага духу, зніжэнне стрэсу перад сесіяй і развіццё навыкаў узаемаразумення ў калектыве.

Арына Бабкевіч выступіла ў якасці вядучай і прапанавала аднагрупнікам серыю цікавых актыўнасцей, накіраваных на збліжэнне. Удзельнікі стваралі сумесныя арт-праекты, абменьваліся асацыяцыямі, абмяркоўвалі актуальныя для іх пытанні і распавядалі цікавыя факты пра сябе. 

Мерапрыемства прайшло ў цёплай, сяброўскай атмасферы. Па водгуках студэнтаў, яны не толькі адпачылі і зарадзіліся станоўчымі эмоцыямі, але і адчулі сябе часткай згуртаванай каманды. Агульным меркаваннем стала думка пра тое, што такія сустрэчы дапамагаюць не толькі адцягнуцца ад навуковага напружання, але і лепш зразумець тых, з кім праводзіш столькі часу ва ўніверсітэце. Арганізатары спадзяюцца, што гэты вопыт дапаможа групе лягчэй пераадолець будучую сесію і яшчэ больш умацуе сяброўскія сувязі паміж студэнтамі.