BY 
25 сакавіка дацэнт кафедры тэорыі і методыкі выкладання А.М. Міхалёва арганізавала і правяла ўрок-канферэнцыю “Імёны на карце горада: вуліцы Мінска, названыя ў гонар вядомых жанчын” у групе замежных студэнтаў 1 курса ФФСН.
Навучэнцы самастойна падрыхтавалі даклады аб жанчынах, чые імёны носяць вуліцы беларускай сталіцы. Інфармацыя аб жыцці і дзейнасці Веры Харужай, Алены і Марыі Чыжэўскіх, Соф'і Кавалеўскай і многіх іншых жанчын дазволіла студэнтам з Кітая “акунуцца” ў мінулае Беларусі і Савецкага Саюза. Архіўныя фатаграфіі гераінь дапамаглі стварыць выявы гэтых вялікіх жанчын.
У сваіх паведамленнях студэнты падкрэслілі, што некаторыя з прадстаўніц “слабога” полу, імёны якіх жывуць у назвах вуліц сучаснага Мінска, здзейснілі подзвігі і атрымалі вышэйшыя дзяржаўныя ўзнагароды пасмяротна.
Заняткі дазволілі навучэнцам усвядоміць, што мы жывем у гарадах і ходзім па іх вуліцах, часта зусім не задумваючыся, якія подзвігі здзейснілі людзі, у гонар якіх гэтыя аб'екты названы, і што сярод гераічных асоб ёсць “слабыя”, але вялікія жанчыны.
Вывучэнне гісторый разведчыц, падпольшчыц, выкладчыкаў, вучоных, паэтэс, артыстаў, дзяржаўных дзеячаў замежнымі студэнтамі садзейнічала росту іх павагі да гасціннасці беларускага народа, нашай гісторыі і культуры.
Падчас урока-канферэнцыі студэнты правялі паралелі з “жаночымі” назвамі вуліц родных гарадоў, распавялі пра вялікіх жанчын сваёй краіны.
Абмеркаванне тэмы атрымалася насычаным, цікавым і пазнавальным, дапамагло замежным навучэнцам папоўніць скарбонку краіназнаўчых ведаў аб Мінску і Рэспубліцы Беларусь.
Напрыканцы студэнты зрабілі выснову, што вельмі важна памятаць пра моцных асоб мінулага і шанаваць ролю жанчын у жыцці народа.
