5-я міжнародная навуковая канферэнцыя «Рамана-германскія літаратуры: традыцыі і сучаснасць» 8–10 кастрычніка 2026 года

На філалагічным факультэце БДУ 8–10 кастрычніка 2026 года адбылася 5-я міжнародная навуковая канферэнцыя «Рамана-германскія літаратуры: традыцыі і сучаснасць». Колькасць заявак, пададзеных на ўдзел у канферэнцыі, – 177.

Падчас канферэнцыі з дакладамі выступілі 114 удзельнікаў (44 — у вочным фармаце, 70 — у дыстанцыйным фармаце). З іх: 17 дактароў навук, 49 кандыдатаў навук, 7 старшых выкладчыкаў, 4 выкладчыкі, 23 аспіранты (з іх 4 — замежныя з КНР, Ірака і Сірыі), 4 магістранты, 10 студэнтаў.

Удзельнікі канферэнцыі прадставілі філалагічныя школы вядучых універсітэтаў Беларусі (Мінск — БДУ, БДПУ ім. М. Танка, БДУЗМ; Гродна — ГрДУ ім. Я. Купалы; Гомель — ГДУ ім. Ф. Скарыны, Брэст — БрДУ ім. А.С. Пушкіна; Наваполацк — ПДУ ім. Ефрасінні Полацкай, Баранавічы — БарДУ), Расіі (Масква — ІНІГН РАН, Ліцінстытут ім. А. М. Горкага МДУ ім. М. В. Ламаносава, МПДУ, МДПУ, РУДН ім. П. Лумумбы, РАНХіДС, Дыпламатычная акадэмія МДІМА МЗС РФ, ДУП; Санкт–Пецярбург — СПбДУ, РДПУ ім. А.І. Герцэна, СПбУТУіЭ, Выдавецтва «Азбука–Аттыкус», СПбДУПТіД, РДГМУ Ін–т «Палярная Акадэмія»; Екацярынбург — УФУ; Казань — КФУ; Ніжні Ноўгарад — ННДУ ім. Н. І. Лабачэўскага, НДЛУ ім. Н.А. Дабралюбава, НДУ ВШЭ, НТУ ім. Я.А. Яўсцігнеева; Перм — ПДНДУ; Краснаярск — КДПУ ім. В.П. Астаф'ева; Омск — ОмДУ ім. Ф. М. Дастаеўскага, Уфа — БДПУ ім. М. Ахмулы, Данецк — ДДПУ ім. В. Шаталава, Варонеж — ВДУ, Сімферопаль — КФУ ім. В. І. Вярнадскага, Таганрог — ПФУ).

Упершыню ў працы канферэнцыі прынялі ўдзел навукоўцы вядучых універсітэтаў Азербайджана (АУІ, АДУ), Аўстрыі (Універсітэт Інсбрука).

У рамках працы двух пленарных пасяджэнняў і 7 секцый былі закрануты актуальныя тэмы па наступных напрамках рамана–германскай філалогіі і кампаратыўных сувязях беларускай, рускай і замежнай літаратуры:

1. Дыялог рамана–германскіх і славянскіх літаратур у гісторыка–культурным кантэксце. Актуальныя праблемы сучаснай кампаратывістыкі;
2. Жанрава–стылявы сінтэз і раман–драма ў англійскай літаратуры (да юбілею Д. Осцін і В. Скота);
3. Вытокі і перспектывы жанру ўтопіі, антыўтопіі і фэнтэзі ў сусветнай літаратуры (да 160–годдзя Г. Уэлса);
4. Аўтар і літаратурны герой (пратаганіст і антаганіст) у амерыканскай літаратуры (да юбілею Д. Лондана і С. Фіцджэральда);
5. Актуальныя пытанні вывучэння раманскіх літаратур (да юбілею Г. Флабэра і Ш. Бадлера);
6. Нямецкамоўныя літаратуры: традыцыі і сучаснасць (да 250–годдзя Э.Т.А. Гофмана);
7. Інтэрпрэтацыя мастацкага тэксту ў мастацтве (жывапіс, музыка, скульптура, тэатр, кінематограф, медыя–арт) і формы інтэрмедыяльнасці ў літаратуры.

Праведзена прэзентацыя зборнікаў матэрыялаў канферэнцыі «Рамана–германскія літаратуры: традыцыі і сучаснасць» за перыяд з 2022 па 2025 гады, а таксама манаграфічных выданняў кафедры замежнай літаратуры.

Тэматыка дакладаў адлюстроўвала асноўныя тэндэнцыі развіцця рамана–германскіх літаратур у сінхранічным і дыяхранічным аспектах, раскрыла рух літаратурнай думкі ў кантэксце такіх тэарэтычных пытанняў сучаснай філалогіі, як гістарызм нацыянальна–культурных кодаў, дыялог і полілог літаратур, трансфармацыя жанравых сістэм і спецыфіка інтэрмедыяльнасці.

Побач з вядомымі навукоўцамі ў пасяджэнні прынялі ўдзел студэнты, магістранты і аспіранты, што спрыяла ўзбагачэнню навуковага досведу маладых даследчыкаў.

Камбінаваны вочны–анлайн фармат забяспечыў высокую ўключанасць удзельнікаў у плённы дыялог, выступленні суправаджаліся актыўнай дыскусіяй. Усе даклады атрымалі станоўчы водгук удзельнікаў пасяджэнняў канферэнцыі і прадэманстравалі важнасць маштабнай пляцоўкі для ўмацавання міжнародных акадэмічных сувязяў.