КРУГЛЫ СТОЛ «АКАДЭМІЧНАЕ ЛІТАРАТУРАЗНАЎСТВА: УЧОРА І СЁННЯ»

ШАНОЎНЫЯ КАЛЕГІ!

Філалагічны факультэт Беларускага дзяржаўнага ўніверсітэта запрашае Вас прыняць удзел у рабоце круглага стала «АКАДЭМІЧНАЕ ЛІТАРАТУРАЗНАЎСТВА: УЧОРА І СЁННЯ»,  прысвечанага 105-годдзю БДУ і 30-годдзю Савета па абароне дысертацый Д 02.01.12 у Беларускім дзяржаўным універсітэце.

Мерапрыемства пройдзе 18 снежня 2026 г. у змяшаным фармаце па адрасе: г. Мінск, вул. К. Маркса, 31.

МЭТА КРУГЛАГА СТАЛА – абмеркаванне актуальных вектараў развіцця сучаснага літаратуразнаўства ў кантэксце глабальных і нацыянальных культурных працэсаў, ролі саветаў па абароне дысертацый у развіцці айчыннага і замежнага літаратуразнаўства, асэнсаванне вынікаў дзейнасці Савета Д 02.01.12 за тры дзесяцігоддзі, а таксама векавых традыцый акадэмічнай літаратуразнаўчай школы БДУ.

АГУЛЬНАЯ ПРАБЛЕМАТЫКА КРУГЛАГА СТАЛА: станаўленне і развіццё літаратуразнаўчай навукі ў БДУ (1921–2026); 30 гадоў Савету Д 02.01.12: вынікі і перспектывы; тэксталогія і тэорыя літаратуры ў XXI стагоддзі; гісторыя нацыянальных літаратур; літаратуразнаўства і адукацыйны працэс; пераемнасць у літаратуразнаўчай навуцы.

Поўная інфармацыя ў прымацаваным файле/ па спасылцы

Аргкамітэт