Кафедра тэорыі літаратуры, вучэбна-навуковая лабараторыя беларускага фальклору і студэнцкая навукова-даследчая лабараторыя "Фалькларыстыка" БДУ запрашаюць да ўдзелу ў ХІ Шырмаўскіх чытаннях, якія адбудуцца 24.11.2011 года (чацвер, 9⁴⁵).

Па выніках плануецца выданне 9 выпуску зборніка навуковых артыкулаў "Фалькларыстычныя даследаванні: Кантэкст. Тыпалогія. Сувязі". Да супрацоўніцтва запрашаюцца студэнты, магістранты, аспіранты, выкладчыкі, навуковыя супрацоўнікі. Матэрыялы прадстаўляць у раздрукаваным і электронным выглядзе на кафедру тэорыі літаратуры, аўд. 69 да 24.12.2011 года. Заяўкі прымаюцца да 20.11.2011 года.

Спецыфіка зборніка традыцыйная: артыкулы павінны быць звязаны з фальклорам - беларускім або іншанацыянальным. Агульная тэматыка:

• Рыгор Шырма як збіральнік, даследчык, інтэпрэтатар народнай песні;
• фальклор у культуразнаўчым, этналінгвістычным, літаратуразнаўчым аспектах;
• традыцыйныя жанры фальклору: паэтыка, семантыка;
• метадалогія фалькларыстычных даследаванняў;
• напрамкі фалькларыстычных даследаванняў (класічная фалькларыстыка, параўнальная фалькларыстыка, міфафалькларыстыка, этнафалькларыстыка, соцыяфалькларыстыка, гендарная фалькларыстыка, інтэграцыйная фалькларыстыка);
• фалькларызм і міфалагізм у літаратуры;
• спецыфічныя рысы фалькларызуючага тэксту (полігенетычнасць сюжэтаў, матываў, вобразаў, тропаў, гіперфалькларызм, гіперміфалагізм, архетыпны слой, тэкст і фальклорны прататып, трансфармацыі міфа, тыпы фалькларызму і г.д.).

Разам з матэрыяламі просім прадставіць звесткі пра аўтара (гл. форму заяўкі).

Наш адрас: 220030 г. Мінск, вул. К. Маркса, 31, пак. 69 (кафедра тэорыі літаратуры БДУ); e-mail: Адрес электронной почты защищен от спам-ботов. Для просмотра адреса в браузере должен быть включен Javascript.

Выданне ажыццяўляеца за кошт саміх удзельнікаў.

Афармленне матэрыялаў да публікацыі:

1) Даклад выступлення аб'ёмам да 7 старонак размяркоўваць на аркушы паперы праз 1,0 інтэрвал, палі злева і справа - 2,6 см., зверху - 2,7 см., знізу - 4,1 см. Шрыфт - Times New Roman 14. Да раздрукаванага варыянта прыкладаецца дыскета, дыск ці іншы электронны варыянт.

2) Імя і прозвішча - злева курсівам паўтлустым, далей вялікімі літарамі паўтлустым шрыфтам праз інтэрвал пасярэдзіне назва выступлення.

3) Спасылкі на літаратуру рабіць у квадратных дужках з указаннем нумару выдання па алфавіце і старонкі (старонка - курсівам), Напрыклад: [1, 23]. Слова "літаратура" - вялікімі літарамі паўтлустым шрыфтам 14.

4) У адпаведнасці з патрабаваннямі выдавецтваў пры цытаванні крыніцы з шматтомнага выдання трэба ўказваць, у колькіх тамах увогуле выйшла выданне, а пасля той том, які выкарыстоўваецца. Калі выкарыстоўваецца зборнік артыкулаў, указваецца яго назва і рэдактар ці ўкладальнік. Калі крыніца не мае аўтара на вокладцы, пасля яе назвы абавязкова ўказваецца від выдання: зборнік артыкулаў, энцыклапедычны даведнік, матэрыялы канферэнцый і г.д. з указаннем рэдактара ці ўкладальніка.

5) Спасылкі на заўвагі афармляць у тэксце ў квадратных дужках праз зорачку і адпаведны парадкавы нумар. Пасля тэксту артыкула заўвагі размяркоўваць пад адпаведнай назвай ЗАЎВАГІ па парадку ўжывання праз зорачку і адпаведны нумар, н-д: [*1].

6) Ініцыялы і прозвішча ў тэксце артыкула падаюцца праз непарыўныя прабелы, н-д: А.А.Патабня;

7) Двухкоссі выкарыстоўваць толькі ў варыянце рускага шрыфту (узор - «»).

Пры неадпаведнасці афармлення ўзору матэрыялы будуць вернуты аўтару.

УЗОР АФАРМЛЕННЯ!!!

Андрэй Сысоў

ІДЭНТЫФІКАЦЫЯ ВОБРАЗА РУСАЛКІ Ў БАЛАДАХ АДАМА МІЦКЕВІЧА "СВІЦЯЗЯНКА" І "РЫБКА"

Тэкст.

ЗАЎВАГІ

*1. У артыкуле выкарыстаны матэрыялы рэгіянальнага архіва вучэбна-навуковай лабараторыі беларускага фальклору пры кафедры тэорыі літаратуры БДУ.

ЛІТАРАТУРА

1. Саламевіч Я. Народная песня. Мінск, 1978.

2. Словарь литературоведческих терминов / ред.-сост.: Л.И.Тимофеев, С.В.Тураев. М., 1998.

3. Вяселле. Песні: у 6-ці кн. Кн. 1 / склад. Л.А.Малаш. Мінск, 1980.

4. Цішчанка І. К. Сямейна-бытавая лірыка // Сямейна-бытавыя песні / Склад. І.К.Цішчанка. Мінск, 1984.