ХІІ Шырмаўскія чытаннi

Кафедра тэорыі літаратуры, вучэбна-навуковая лабараторыя беларускага фальклору і студэнцкая навукова-даследчая лабараторыя “Фалькларыстыка”БДУ запрашаюць да ўдзелу ў ХІІ Шырмаўскіх чытаннях, якія адбудуцца 29.11.2012 года (чацвер, пленарнае пасяджэнне -- 12.45, праца секцый – з 14.30).

Па выніках працы Чытанняў плануецца выданне 10 выпуску зборніка навуковых артыкулаў “Фалькларыстычныя даследаванні: Кантэкст. Тыпалогія. Сувязі”.

Да супрацоўніцтва запрашаюцца студэнты, магістранты, аспіранты, выкладчыкі, навуковыя супрацоўнікі. Матэрыялы прадстаўляць у раздрукаваным і электронным выглядзе на кафедру тэорыі літаратуры, аўд. 69, да канца снежня 2012 года.

Тэматыка зборніка традыцыйная: артыкулы павінны быць звязаны з фальклорам – беларускім або іншанацыянальным.

Агульная тэматыка Чытанняў:

• Рыгор Шырма як збіральнік, даследчык, інтэпрэтатар народнай песні;
• фальклор у культуразнаўчым, этналінгвістычным, літаратуразнаўчым аспектах;
• традыцыйныя жанры фальклору: паэтыка, семантыка, “пісьмо”, жанравыя карціны свету і г. д.;
• метадалогія фалькларыстычных даследаванняў; напрамкі фалькларыстычных даследаванняў: класічная фалькларыстыка, параўнальная фалькларыстыка, міфафалькларыстыка, этнафалькларыстыка, соцыяфалькларыстыка, гендарная фалькларыстыка, інтэграцыйная фалькларыстыка, антрапалагічная фалькларыстыка;
• фалькларызм і міфалагізм у славянскай і сусветнай літаратуры;
• полігенетычнасць сюжэтаў, матываў, вобразаў, тропаў; гіперфалькларызм, гіперміфалагізм, архетыпны слой, тэкст і фальклорны прататып, трансфармацыі міфа, тыпы фалькларызму і г.д.
• беларускі фальклор у прасторы і часенацыянальнай культуры: праблемы аховы, трансфармацыя, асаблівасці бытавання.

Разам з матэрыяламі просім прадставіць звесткі пра аўтара (гл. форму заяўкі).

Наш адрас: 220030 г. Мінск, вул. К. Маркса, 31, пак. 69 (кафедра тэорыі літаратуры БДУ) ці  39 (вучэбна-навуковая лабараторыя беларускага фальклору)         e-mail: Адрес электронной почты защищен от спам-ботов. Для просмотра адреса в браузере должен быть включен Javascript.

Выданне ажыццяўляеца за кошт саміх удзельнікаў. Папярэдні ўнёсак: для выкладчыкаў, аспірантаў, магістрантаў – 10 у.е. (да 7 старонак), для студэнтаў – 8 у.е. (да 5 старонак).

Афармленне матэрыялаў да публікацыі:

1. Даклад выступлення размяркоўваць на аркушы паперы праз 1,0 інтэрвал, палі злева і справа – 2,6 см., зверху – 2,7 см., знізу – 4,1 см. Шрыфт – TimesNewRoman14. Да раздрукаванага варыянта прыкладаецца дыскета, дыск ці іншы электронны варыянт.
2. Імя і прозвішча – злева курсівам паўтлустым, далей вялікімі літарамі паўтлустым шрыфтам праз інтэрвал пасярэдзіне назва выступлення.
3. Спасылкі на літаратуру рабіць у квадратных дужках з указаннем нумару выдання па алфавіце і старонкі (старонка – курсівам), Напрыклад: [1, 23]. Слова “літаратура” – вялікімі літарамі паўтлустым шрыфтам 14. Літаратура афармляецца згодна з патрабаваннямі ВАК. (http://www.vak.org.by/modules/Files/pub/1145352599_instr_of_diss.zip )
4. У адпаведнасці з патрабаваннямі выдавецтваў пры цытаванні крыніцы з шматтомнага выдання трэба ўказваць, у колькіх тамах увогуле выйшла выданне, а пасля той том, які выкарыстоўваецца. Калі выкарыстоўваецца зборнік артыкулаў, указваецца яго назва і рэдактар ці ўкладальнік. Калі крыніца не мае аўтара на вокладцы, пасля яе назвы абавязкова ўказваецца від выдання: зборнік артыкулаў, энцыклапедычны даведнік, матэрыялы канферэнцый і г.д. з указаннем рэдактара ці ўкладальніка.
5. Спасылкі на заўвагі афармляць у тэксце ў квадратных дужках праз зорачку і адпаведны парадкавы нумар. Пасля тэксту артыкула заўвагі размяркоўваць пад адпаведнай назвай ЗАЎВАГІ па парадку ўжывання праз зорачку і адпаведны нумар, н-д: [*1].
6. Ініцыялы і прозвішча ў тэксце артыкула падаюцца праз непарыўныя прабелы, н-д: А. А. Патабня;
7. Двухкоссі выкарыстоўваць толькі ў варыянце рускага шрыфту (узор – «»).

Пры неадпаведнасці афармлення ўзору матэрыялы будуць вернуты аўтару.

УЗОР АФАРМЛЕННЯ!!!

Таццяна Івахненка

ІДЭНТЫФІКАЦЫЯ ВОБРАЗА РУСАЛКІ Ў БАЛАДАХ АДАМА МІЦКЕВІЧА «СВІЦЯЗЯНКА» І «РЫБКА»

Тэкст.

ЗАЎВАГІ

*1. У артыкуле выкарыстаны матэрыялы вучэбна-навуковай лабараторыі беларускага фальклору пры кафедры тэорыі літаратуры БДУ.

ЛІТАРАТУРА

1. Беларускі фальклор: Энцыклапедыя: у 2 т. Т. 1: Акапэла – Куцця / Рэдкал.: Г.П. Пашкоў і інш. – Мінск: БелЭн, 2005. – 768 с.
2. Восточнославянский фольклор: Слов. науч. и нар. терминологии / Редкол.: К.П. Кабашников (отв. ред.) и др. – Минск: Навука і тэхніка, 1993. – 478 с.
3. Гісторыя беларускай літаратуры ХІ – ХІХ стагоддзяў. У 2 т. Т. 2. Новая літаратура: другая палова XVIII– XIXстагоддзе / Нац. акад. навук Беларусі, Ін-т літ. імя Я. Купалы; навук. рэд. тома У.І. Мархель, В.А. Чамярыцкі. – Мінск: Беларус. навука, 2007. – 582 с.
4. Лицкевич, С. Герой неизданного романа / С. Лицкевич // СБ Беларусь сегодня [Электронны рэсурс]. – Рэжым доступу: http://www.sb.by/post/56439/ – Дата доступу: 14. 02. 2010.
5. Насовіч, Я. Пра сучасныя польска-беларускія моўныя кантакты: праблемы двухмоўя / Ян Насовіч // Беларусіка-Albaruthenica: Кн. 2 / Рэд. А. Анціпенка і інш. – Мінск: Нац. нав.-асв. цэнтр імя Ф. Скарыны, 1993. – С. 384–387.
6. Юрчук, О.О. Необарокові тенденції в українській літературі ХХ століття: автореф. дис. ...канд. філол. наук: 10.01.01 / О.О. Юрчук; Інс-т літератури ім. Т.Г. Шевченка НАН України. – Київ, 2007. – 20 с.