BY 18 снежня 2013 года адбыўся метадычны семінар-трэнінг «Навучанне творчаму пісьму на занятках па замежнай мове ў вышэйшай школе», арганізаваны Саветам маладых вучоных філалагічнагафакультэта. Правялі семінар ст. в. В. А. Лойка (кафедра нямецкага мовазнаўства) і ст. в. А. В. Тозік (кафедра англійскага мовазнаўства). Арганізатары праекта расказалі ўдзельнікам трэнінгу пра розныя падыходы да разумення дадзенага віду вучэбнай дзейнасці, пазнаёмілі з разнастайнымі спосабамі навучання пісьму, засяродзіўшыся на практычным прымяненні тых ці іншых метадаў і пераканаўшы ў іх эфектыўнасці пры вывучэнні замежных моў. Падчас трэнінгу былі прадстаўлены і абмеркаваны шматлікія прыклады студэнцкіх творчых работ. Маладыя выкладчыкі і студэнты філалагічнага факультэта самі патрэніраваліся складаць разнастайныя тэксты творчага пісьма, а таксама даведаліся шматцікавай культуралагічнай інфармацыі. Мерапрыемства прайшло ў атмасферы напружанай працы думкі, гумару і ўзаемаразумення. Пасля завяршэння практычнай часткі адбылася дыскусія, прысвечаная метадычным пытанням.
Кароткі змест трэнінгу глядзіце тут.
