Праграма правядзення Міжнароднага дня роднай мовы і Тыдня беларускай мовы

Дзень 1. 21.02.2014 (пятніца, 12⁴⁵ – 14¹⁵)

Міжнародны дзень роднай мовы

Адкрыццё Тыдня беларускай мовы з удзелам рэктара Беларускага дзяржаўнага ўніверсітэта, акадэміка С.У. Абламейкі.

Да ўдзелу запрошаны старшыня Міжнароднага камітэта славістаў, прафесар, член-карэспандэнт Нацыянальнай акадэміі навук Беларусі А.А. Лукашанец, паэт, драматург, публіцыст, перакладчык А.І. Вярцінскі, ансамбль акардэаністаў СШ № 73 г. Мінска.

Прапануецца літаратурна-музычная кампазіцыя“І наша мова – з-пад крыла душы…”,у якой адлюстраваны гістарычныя і лёсавызначальныя этапы развіцця беларускай мовы, роля беларускіх пісьменнікаў і навукоўцаў у яе станаўленні. Будуць прачытаны вершы вядомых беларускіх пісьменнікаў, уласныя вершы студэнтаў, прысвечаныя роднай мове, праінсцэніраваны ўрыўкі з твораў мастацкай літаратуры, выкананы песні на вершы вядомых беларускіх паэтаў.

У мерапрыемстве ўдзельнічаюць студэнты філалагічнага і іншых факультэтаў.

Дзень 2. 24.02.2014 (панядзелак, 11¹⁵ – 12³⁵)

У гасцях на філфаку

Відэаканферэнцыя “Мінск – Віцебск”

Адбудзецца сустрэча з выкладчыкамі кафедры беларускага мовазнаўства факультэта беларускай філалогіі і культуры Віцебскага дзяржаўнага ўніверсітэта імя П.М. Машэрава, а таксама з выкладчыкамі філалагічнага факультэта БДУ і супрацоўнікамі Нацыянальнай акадэміі навук Беларусі. Падчас відэаканферэнцыі мяркуеца прэзентацыя найноўшых мовазнаўчых і лексікаграфічных выданняў і дыялог паміж выкладчыкамі і студэнтамі БДУ, ВДУ і НАН Беларусі.

Дзень 3. 25.02.2014 (аўторак, 12⁴⁵ – 14¹⁵)

Філалогія і Я

Інтэлектуальна-пазнавальная гульняз удзелам студэнтаў 1 курсаў спецыяльнасцей “Беларуская філалогія” і “Славянская філалогія”. Іх чакаюць рэкламны, вітальны, паэтычны, граматычны, крэатыўны, песенны і іншыя конкурсы.

Дзень 4. 26.02.2014 (серада, 12⁴⁵ – 14¹⁵)

Дзень беларускай філалогіі

Мова і духоўная культура народа: этналінгвістычны эцюд

Адбудзецца сустрэча з вядомымі навукоўцамі ў новай галіне беларускай філалогіі – этналінгвістыкі.

Да ўдзелу запрошаны:

М.П. Антропаў– кандыдат філалагічных навук, дацэнт, загадчык аддзела славістыкі і тэорыі мовы ДНУ “Цэнтр даследаванняў беларускай культуры, мовы і літаратуры НАН Беларусі”.

А.М. Боганева– навуковы супрацоўнік сектара этналінгвістыкі і фальклору ДНУ “Цэнтра даследаванняў беларускай культуры, мовы і літаратуры НАН Беларусі”.

Т.В. Валодзіна– доктар філалагічных навук, загадчык аддзела фалькларыстыкі і культуры славянскіх народаў ДНУ “Цэнтра даследаванняў беларускай культуры, мовы і літаратуры НАН Беларусі”.

А.Л. Садоўская– кандыдат філалагічных навук, дацэнт кафедры сучасна беларускай мовы БДУ.

Дзень 5. 27.02.2014 (чацвер, 12⁴⁵– 14¹⁵)

Дзень беларускага перакладу

Пераклады з польскай мовы

ў прасторы беларускай нацыянальнай культуры

Да ўдзелу запрошана І.Э. Багдановіч, літаратуразнаўца, паэтэса, перакладчык, кандыдат філалагічных навук, дацэнт кафедры гісторыі беларускай літаратуры.