Булыка Аляксандр Мікалаевіч

Перыяд вучобы: 1954-1959.

Беларускі мовазнавец, доктар філалагічных навук (1981), прафесар (1992), член-карэспандэнт АН Беларусі (1994). Член Навуковага савета “Мова і грамадства” аддзялення мовы і літаратуры АН Расіі, навуковы сакратар Рэспубліканскай тэрміналагічнай камісіі пры АН Беларусі, член камітэта па Дзяржаўных прэміях РБ за навукова-тэхнічныя дасягненні, член савета экспертаў Беларускага вышэйшага сертыфікацыйнага камітэта, член двух саветаў па абароне навуковых прац у галіне мовазнаўства. Член рэдакцыйнага савета бюлетэню АН “Беларуская лінгвістыка”. У 1998 г. стаў лаўрэатам Дзяржаўнай прэміі РБ у галіне гуманітарных і сацыяльных навук за калектыўную працу “Беларуская мова. Энцыклапедыя” (1994).