Сэрвісы

Навіны

«Сям'я і адукацыя – галоўнае»

«Сям'я і адукацыя – галоўнае»

19 кастрычніка начальнік Галоўнага ўпраўлення ідэалагічнай работы і па справах моладзі Мінгарвыканкама Вольга Чамаданава, выпускніца філалагічнага факультэта БДУ, сустрэлася са студэнтамі-філолагамі Alma Mater.

У дыялогу прынялі ўдзел дэкан філалагічнага факультэта Сяргей Важнік, старшыня ГА «Саюз жанчын БДУ», прафесар Ірына Казакова, намеснік дэкана па вучэба-выхаваўчай рабоце і сацыяльных пытаннях Вольга Крычко, старшыня Студэнцкага Савета факультэта Юлія Гурыновіч, актывісты маладзёжных грамадскіх арганізацый і лідары органаў студэнцкага сукіравання філалагічнага факультэта.

Падчас бацькоўскага тыдня Вольга Мікалаеўна падзялілася з філолагамі гісторыяй настаўніцкага рода сваёй сям'і. Рыгор Чамаданаў – педагог, выдатнік адукацыі Рэспублікі Беларусь, напісаў унікальную кнігу «Радавая кніга. Старонкі жыцця Чамаданавых/Івановых XVIII – XXI стагоддзяў», якую ён прысвяціў 100-годдзю свайго бацькі Барыса Рыгоравіча Чамаданава, ураджэнца Клімавіцкай зямлі, заслужанага настаўніка Беларусі. У ёй расказваецца пра 200-гадовую гісторыю сям'і настаўнікаў праз прызму гістарычных падзей нашай Радзімы ў ХХ стагоддзі. “Практычна ўсе ў сям'і былі настаўнікамі. Каб захаваць дрэва памяці, працягвайце пісаць радавую кнігу. Людзі, якія не ведаюць гісторыі сваёй сям'і, ніколі не зразумеюць і не даведаюцца пра гісторыю сваёй краіны. Гісторыю можна зразумець толькі праз сваіх дзядоў і прадзедаў, толькі праз іх жыцці. Прыйдзе час, а ён прыйдзе, гэта непазбежна, калі, стварыўшы сваю сям'ю, ты будзеш разумець гісторыю праз глыбіню сваёй душы. Гэта заўсёды актуальна – расказваць пра гісторыю свайго роду, сваю сям'ю», – адзначыла Вольга Мікалаеўна.

Асаблівую ўвагу ў дыялогу з будучымі выпускнікамі педагагічных спецыяльнасцей Вольга Чамаданава надала пытанню статуса настаўніка: «Я ганаруся тым, што атрымала педагагічную спецыяльнасць. Прайшло 30 гадоў, як я скончыла школу, але кожны год у Дзень настаўніка я сустракаюся са сваім класным кіраўніком і кажу ёй словы ўдзячнасці, бо гэта вялікія людзі. Стэрэатыпаў быць не можа, таму што без гэтых людзей не было б лётчыкаў і касманаўтаў, як і іншых прафесій. Усё пачынаецца з іх. Для чалавека важней за ўсё сям'я і адукацыя. Любіце працу, да якой рыхтуецеся. Любіце – і ўсё атрымаецца! Мне часта задаюць пытанне: як Вам удалося стаць такім паспяховым чалавекам? Я бачу аддачу ад сваёй працы. І мне здаецца, што заўтра я зраблю яшчэ больш, чым сёння!»

20 10 2022 1

20 10 2022 2

20 10 2022 3

20 10 2022 8

20 10 2022 6

20 10 2022 5

20 10 2022 7

Image

Рэсурсы

Image
Image
Наш сайт использует файлы cookie

Наш сайт использует файлы cookie для сбора статистики. Нажав «Принять», вы даете согласие на обработку файлов cookie в соответствии с Политикой обработки файлов cookie.