Анлайн-лекцыя Алены Лепішавай «”Covid-драма”: п’есы-аднадзёнкі ці дыялогі пра вечнае?»

8 красавіка 2021 годы ў рамках праекта кафедры рускай літаратуры БДУ «Школа юнага філолага» адбылася анлайн-лекцыя кандыдата філалагічных навук Алены Лепішавай на тэму «”Covid-драма”: п’есы-аднадзёнкі ці дыялогі пра вечнае?». У задачы занятку ўваходзіла не толькі знаёмства абітурыентаў з тэматычным кірункам найноўшай драматургіі, пазначаным як «covid-драма», але шырэй – дэманстрацыя перспектыў сучаснага літаратуразнаўства ў вывучэнні літаратурнага працэсу ў станаўленні, дынаміцы, асэнсаванні актуальных праблем соцыуму, парадку «тут-і-цяпер». Пры такім падыходзе тэксты, прысвечаныя пандэміі каронавіруса, цікавыя як спроба захаваць беспрэцэдэнтны досвед у найноўшай гісторыі чалавецтва, спосаб пераадолець калектыўную траўму з дапамогай самаідэнтыфікацыі аўтара і чытача / гледача, а ў асобных выпадках – іх «сатворчасці» ў рэалізацыі эстэтычнай падзеі. Вось чаму матэрыял лекцыі (сайт анлайн-фэсту драматургіі і тэатра «Карона-драма» (СПб), спасылкі на апублікаваныя артыкулы, відэаролік у рамках літаратурнага блога філолага з Казані Т. Шахматавай і А. Лепішавай) прыцягнуў увагу як будучых філолагаў, так і спецыялістаў – калег кафедры.

лепишева1

лепишева2

лепишева3