BY 23 снежня філалагічны факультэт наведалі навучэнцы філалагічнага класа Ліцэя БДУ.
Вучэбна-навуковая лабараторыя беларускага фальклору арганізавала для іх калядны майстар-клас, на якім супрацоўнікі лабараторыі расказалі пра асноўныя калядныя традыцыі і гісторыю беларускай батлейкі, пра семантыку калядных масак. Акрамя таго, госці мелі магчымасць увачавідкі пабачыць самаробную батлейку, паўдзельнічаць у калядных гаданнях і віктарыне.
Студэнты філалагічнага факультэта, сярод якіх былі і выпускнікі ліцэя, зладзілі прафарыентацыйны квэст. Ліцэісты, падзяліўшыся на каманды, праходзілі станцыі, на якіх знаёміліся са спецыяльнасцямі факультэта, выконвалі інтэлектуальныя і творчыя заданні.
