Урачыстае адкрыццё мадэрнізаванага кабінета аўдыёвізуальных сродкаў навучання

23 кастрычніка 2014 г. на філалагічным факультэце (аўд.221)  адбылося ўрачыстае адкрыццё мадэрнізаванага кабінета аўдыёвізуальных сродкаў навучання, абсталяванага пры падтрымцы пасольства Кітайскай Народнай Рэспублікі ў Рэспубліцы Беларусь. 

У цырымоніі прыняў удзел Надзвычайны і Паўнамоцны пасол КНР у РБ сп. Цуй Цімін і прарэктар па вучэбнай рабоце прафесар А.В. Данільчанка. Выступоўцы адзначылі, што ў сучасны час назіраецца актывізацыя супрацоўніцтва паміж Рэспублікай Беларусь і Кітайскай Народнай Рэспублікай па многіх напрамках, што абумоўлівае вострую неабходнасць у падрыхтоўцы высокакваліфікаваных кадраў. Функцыянаванне такіх кабінетаў будзе садзейнічаць павышэнню якасці адукацыі, распаўсюджванню кітайскай мовы і культуры ў Беларусі. Па заканчэнні цырымоніі студэнты першага курса спецыяльнасці “Усходняя (кітайская) філалогія” прачыталі вершы на кітайскай мове.

{gallery}2014-10-23{/gallery}