Вечар памяці «Абрадавая вясна Васіля Ліцьвінкі»

Кафедра тэорыі літаратуры і вучэбна-навуковая лабараторыя беларускага фальклору філалагічнага факультэта БДУ запрашае на вечар памяці выдатнага беларускага фалькларыста Васіля Дзмітрыевіча Ліцьвінкі «Абрадавая вясна Васіля Ліцьвінкі».

Мерапрыемства адбудзецца 23 красавіка 2009 года ў 17.30 у вялікай актавай зале філалагічнага факультэта Беларускага дзяржаўнага універсітэта.

Праграма вечара:

І. Успаміны пра Васіля Ліцвінку яго калег, сяброў і родных:

• Наталля Міхайлаўна  Ліцьвінка, доктар хімічных навук, прафесар, жонка 
• Іван Сямёнавіч Роўда, дэкан філалагічнага факультэта БДУ, прафесар
• Вячаслаў Пятровіч Рагойша, загадчык кафедры тэорыі літаратуры БДУ, прафесар
• Арсен Сяргеевіч Ліс, галоўны навуковы супрацоўнік Інстытута мовы і літаратуры імя Якуба Коласа і Янкі Купалы, доктар філалагічных навук
• Алесь Юр’евіч Лозка, дацэнт кафедры этналогіі і фалькларыстыкі БДПУ імя М. Танка, дацэнт
• Анатоль Фёдаравіч Літвіновіч, дацэнт кафедры тэорыі і гісторыі культуры БДПУ імя М. Танка, кандыдат філалагічных навук
• Мікалай Пятровіч Антропаў, загадчык аддзела этналінгвістыкі Інстытута мовы і літаратуры імя Якуба Коласа і Янкі Купалы, дацэнт
• Алена Міхайлаўна Боганева, загадчык аддзела народнай традыцыйнай культуры Інстытута праблем культуры ІПК БДУКМ

ІІ. З удзячнай памяццю пра Васіля Ліцьвінку выступяць фальклорныя калектывы:

• Узорны фальклорны ансамбль БДПУ імя М. Танка “Жавароначкі” (кіраўнік Наталля Паўлаўна Баяльская).
• Выканаўцы народных песень з в. Атвержычы, землякоў Васіля Ліцьвінкі са Столінскага раёна (кіраўнік Любоў Пятроўна Яхнавец).
• Фальклорны ансамбль “Маладзіцы маладыя” Нацыянальнага парка “Прыпяцкі” Жыткавіцкага раёна (кіраўнік Кацярына Пятроўна Домніч).
• Фальклорны ансамбль “Гасцінец” гімназіі № 17 г. Мінска (кіраўнік Галіна Якаўлеўна Пратасевіч).
• Народны ансамбль “Вербіца” Дома культуры Мінскага аўтазавода (кіраўнік Аляксандр Іванавіч Свірскі).
• Канцэртная праграма фальклорнага ансамбля “Тутэйшая шляхта” БДУ (кіраўнік Лявон Віктаравіч  Махнач).
• Выступленне фальклорнага ансамбля “Багач” філалагічнага факультэта БДУ (кіраўнік Ірына Валер’еўна Казакова).

Мерапрыемства праводзіцца ў рамках святкавання 70-гадовага юбілея філалагічнага факультэта і ў кантэксце аб’яўленага Прэзідэнтам Беларусі 2009 года “Годам роднай зямлі” пры арганізацыйна-інфармацыйнай падтрымцы заслужанага танцмайстара і харэографа Беларусі, сябра і калегі Васіля Ліцьвінкі, Мікалая Котава.

Запрашаем усіх, каго цікавіць беларуская народная традыцыйная культура, беларуская народная песня, аддаць даніну павагі выдатнаму беларускаму фалькларысту Васілю Ліцьвінку.

Уваход вольны.