BY 28 лютага адбылася творчая імпрэза «Паэтычны подых вясны», якую зладзілі літаратурны гурток «Альтанка» і кафедра гісторыі беларускай літаратуры. Прысвечана яна была найперш выхаду другога выпуску літаратурнага альманаха «Альтанка» (Мінск, 2021, 107 с.).
Напачатку аўтараў альманаха і гасцей імпрэзы цёпла прывітала намеснік дэкана філалагічнага факультэта В. П. Крычко. Яна нагадала пра тое, як ствараўся літгурток «Альтанка» на чале з Ірынай Эрнстаўнай Багдановіч, назвала імёны яркіх творчых студэнтаў, якія ў хуткім часе сталі пісьменнікамі. Потым выступіў загадчык кафедры гісторыі беларускай літаратуры і кіраўнік гуртка «Альтанка» А. І. Бельскі, які запыніўся на ўніверсітэцкіх літаратурных традыцыях, згадаў легендарнае літаб’яднанне «Узлёт» і яго кіраўніка прафесара А. А. Лойку, адзначыў, што філфак як раней, так цяпер адыгрывае ролю кузніцы па падрыхтоўцы літаратурных кадраў.
Чаканым і цікавым стала выступленне рэдактара аддзела паэзіі часопіса «Маладосць», выпускніцы філфака БДУ Ю. А. Алейчанка. Яна азнаёміла з рэдакцыйнай стратэгіяй і планамі літаратурнага выдання, запрасіла студэнтаў да творчага супрацоўніцтва, а яшчэ прачытала ўласныя вершы. Рэдакцыя «Маладосці» чакае не толькі паэтычныя творы, але і прозу, крытычныя артыкулы, рэцэнзіі.
А потым натхнёна чыталі вершы аўтары альманаха Паліна Басалыга, Дар’я Вячэрка, Кацярына Семенас, Дар’я Талалаева, Вікторыя Чарнуха, Марыя Шкляр і інш.
У канцы сустрэчы А. І. Бельскі нагадаў, што цяпер на кафедры гісторыі беларускай літаратуры рыхтуецца другі выпуск навуковага і літаратурнага альманаха «Маладая плынь». Творы (артыкулы, рэцэнзіі, вершы) можна прыносіць у раздрукаваным выглядзе на кафедру (каб. 56) або дасылаць на адрас кафедральнай электроннай пошты:
.jpg)
