BY 10 чэрвеня 2022 г. на філалагічным факультэце Беларускага дзяржаўнага ўніверсітэта адбудзецца навукова-практычны семінар «В.П.Рагойша – педагог, вучоны, пісьменнік», прысвечаны 80-годдзю з дня нараджэння і 55-годдзю навукова-педагагічнай дзейнасці выдатнага беларускага вучонага, педагога, грамадскага дзеяча, пісьменніка Вячаслава Пятровіча Рагойшы. Семінар уключаны ў План навуковых мерапрыемстваў БДУ на 2022 год.
Праграма семінара складаецца з дзвюх частак. Першая частка – урачыстае адкрыццё, на якое запрошаны афіцыйныя асобы, калегі, сябры і вучні юбіляра. У другой частцы будуць працаваць тры секцыі: секцыя 1 «Роля прафесара В. П. Рагойшы ў развіцці вышэйшай і сярэдняй адукацыі» (старшыня – прафесар І. Ф. Штэйнер, загадчык кафедры беларускай літаратуры філалагічнага факультэта ГДУ імя Ф. Скарыны, доктар філалагічных навук), секцыя 2 «Актуальныя праблемы літаратуразнаўства ў кантэксце навуковых даследаванняў В. П. Рагойшы» (старшыня – прафесар Т. Я. Камароўская, прафесар кафедры беларускай і замежнай літаратуры філалагічнага факультэта БДПУ імя М. Танка, доктар філалагічных навук), секцыя 3 «В. П. Рагойша як крытык, публіцыст, перакладчык, паэт» (старшыня – прафесар Л. Д. Сінькова, прафесар кафедры гісторыі беларускай літаратуры філалагічнага факультэта БДУ, доктар філалагічных навук).
Пасля працы секцый плануецца падвядзенне вынікаў семінара.
Запрашаем ўсіх зацікаўленых далучыцца да юбілейнага мерапрыемства ў гонар прафесара Вячаслава Пятровіча Рагойшы!
