BY 
Заснаваная напярэдадні 100-гадовага юбілею БДУ выдавецкая серыя “Замежная беларусістыка” папоўнілася новай кнігай – зборнікам выбраных прац па беларускім мовазнаўстве акадэміка Рыгора Піўтарака. Вядомы славіст яшчэ з сярэдзіны XX стагоддзя актыўна займаецца даследаваннем праблем беларускай мовы і мовазнаўства; у 1964 г. у АН БССР абараніў кандыдацкую дысертацыю “Гісторыя інфінітыва ў беларускай мове”. Вучоны стаў аўтарам першага падручніка па беларускай мове для філолагаў вышэйшых навучальных устаноў Украіны, вялікага “Беларуска-ўкраінскага слоўніка”, перакладаў на ўкраінскую мову беларускіх казак і народных апавяданняў, асобных твораў класікаў беларускай літаратуры.
