Віншуем з паспяховай абаронай!

23 лютага 2023 года на філалагічным факультэце адбылася абарона кандыдацкай дысертацыі Ху Цзядун «Камунікатыўная стратэгія прэзентацыі краіны на сайце беларускай амбасады ў Кітайскай Народнай Рэспубліцы» па спецыяльнасці 10.02.19 – тэорыя мовы.

Работа выканана на кафедры прыкладной лінгвістыкі філалагічнага факультэта БДУ пад кіраўніцтвам кандыдата філалагічных навук, дацэнта Людмілы Францаўны Гербік.

Афіцыйнымі апанентамі па дысертацыі выступалі Кудраватых Ірына Пятроўна, доктар філалагічных навук, прафесар, прафесар кафедры мовазнаўства і лінгвадыдактыкі УА «Беларускі дзяржаўны педагагічны універсітэт імя Максіма Танка», і Чахоўскі Георгій Канстанцінавіч, кандыдат філалагічных навук, дацэнт кафедры беларускага мовазнаўства Беларускага дзяржаўнага універсітэта.

Апаніруючай арганізацыяй з'яўляўся УА «Віцебскі дзяржаўны універсітэт імя П.М. Машэрава».

Усе прысутныя члены Савета прагаласавалі за прысуджэнне Ху Цзядун навуковай ступені кандыдата філалагічных навук; адзнака – 4,9 балаў па 5-бальнай сістэме.

Віншуем з паспяховай абаронай Ху Цзядун і яго навуковага кіраўніка дацэнта Людмілу Францаўну Гербiк!