BY 
11 лістапада 2023 г. у рамках працы студэнцкай навукова-даследчай лабараторыі «Нацыянальнае і ўніверсальнае ў сусветнай літаратуры» адбыўся навуковы семінар «Інтэрмедыяльнасць як метад міждысцыплінарнага аналізу мастацкага тэксту».
Мадэратары сустрэчы – аспіранты кафедры замежнай літературы Наталля Іванова і Юліана Афанасьева абмеркавалі з аўдыторыяй актуальныя для сучаснай гуманітарыстыкі тэарэтычныя пытанні, арганізавалі пошук прыкладаў інтэрмедыяльнасці ў розных нацыянальных літаратурах, а напрыканцы прапанавалі інтэрмедыяльны квіз. Уласным досведам інтэрмедыяльнага аналізу паэзіі падзяліліся магістранты Алейнікава Паліна і Марына Яромка.
